არანაირი დათმობა არ იქნება, როცა საქმე პატარებს და მშენებლობას ეხება – კახა კალაძე

მომდევნო წლების განმავლობაში დიდი ყურადღება დაეთმობა ხარისხიან მშენებლობებს, – ამის შესახებ თბილისის მერმა კახა კალაძემ თბილისის 33-ე ბაგა-ბაღის დათვალიერებისას განაცხადა.

მისი თქმით, ამ მიმართულებით არანაირი დათმობა არ იქნება, მით უმეტეს, როცა საქმე პატარებსა და მშენებლობას ეხება.

„კონკრეტულად ამ მშენებლობასთან არის სერიოზული პრობლემები. ჩემს მოადგილეს დავავალე, დღესვე დაიბარონ კომპანია, ვინც სამუშაოები განახორციელა და მოსთხოვონ შესაბამისი პასუხი. შეუძლებელია, თავი დავუხაროთ ასეთ მშენებლობებს და ასეთ ხარისხს, რაც სახეზე გვაქვს. მომდევნო წლების განმავლობაში ძალიან დიდი ყურადღება დაეთმობა ხარისხიან მშენებლობებს. მესმის, რომ თავიდან შეიძლება პრობლემები იყოს, მოგვიწევს ბრძოლა, მაგრამ გადავტეხავთ. არანაირი დათმობა არ იქნება ამ მიმართულებით, მით უმეტეს, როდესაც საქმე ეხება პატარებს, საქმე ეხება მშენებლობას, ვიქნებით ძალიან უკომპრომისოები. ეს იქნება ყველა მიმართულებით, არა მხოლოდ საბავშვი ბაღის. გზებთან დაკავშირებით გვექნება ანალოგიური მოთხოვნა სარეაბილიტაციო სამუშაოებთან, მშენებლობებთან და აშ.“, – განაცხადა კახა კალაძემ.

კომენტარები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Seo wordpress plugin by www.seowizard.org.