გაუფასურებული ეროვნული ვალუტა – ექსპერტები ფასების რეკორდულ ზრდას პროგნოზირებენ

გაუფასურებული ეროვნული ვალუტის ფონზე, მედიკამენტებზე, პროდუქტებზე, საწვავზე ფასები გაიზარდა. თუმცა კონომისტები კიდევ უფრო საგანგაშო პროცესებს პროგნოზირებენ და ამბობენ, რომ თუ ლარის კურსი არ დარეგულირდა, ფასები კიდევ უფრო გაიზრდება, რაც მოსახლეობას მძიმე ეკონომიკურ ტვირთად დააწვება.

სპეციალისტები ეროვნული ბანკისა და მთავრობის ეკონომიკურ პოლიტიკას კიდევ ერთხელ აკრიტიკებენ და ამბობენ, რომ აუცილებელია ეროვნულმა ბანკმა და მთავრობამ ლარის პოლიტიკის მიმართ დამოკიდებულება შეცვალოს.

„გამომდინარე იქედან, რომ არც ერთ სტრუქტურა არ არის პასუხისმგებელი ლარის გაუფასურებაზე. ყოველ შემთხვევაში ეროვნული ბანკი და მთავრობა ამაზე უარს ამბობს, ცხადია, რომ მოლოდინები არის საკმაოდ ნეგატიური. ნებისმიერი ადამიანი შეეცდება, რომ თავი დაიზღვიოს და გაზარდოს ფასი იმ პროდუქციაზე, რომელსაც ის ბაზარზე აწვდის. მეორე მხრივ მე ვფიქრობ, რომ შესაცვლელია დამოკიდებულება ლარის პოლიტიკის მიმართ,“- ახალი ეკონომიკური სკოლა – საქართველოს” პრეზიდენტმა განაცხადა პაატა შეშელიძემ.

ლარის გაუფასურების ახალი რეკორდი – სავალუტო ჯიხურებში ერთი დოლარის ღირებულება უკვე 2 ლარსა და 75 თეთრს აღწევს. მთავრობა ვალუტის გამყარებას უახლოეს დღეებში პროგნოზირებდა, თუმცა ლარი კიდევ უფრო გაუფასურდა.

“რუსტავი2”

comments

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Seo wordpress plugin by www.seowizard.org.