გახარიას მხარდამჭერი მესაფლავე ქალები – ბათუმის მერიის თანამშრომლები ემიგრანტებად გაასაღეს

გიორგი გახარიას მხარდამჭერ ვიდეოში ე.წ. ემიგრანტები ამოცნობილები არიან. ერთ-ერთ რგოლში ადამიანები, რომლებიც შინაგან საქმეთა მინისტრს მოუწოდებენ, არ გადადგეს, არა ემიგრანტები, არამედ ბათუმის მერიის სასაფლაოების გაერთიანების რიგითი თანამშრომლები არიან. „ქართული ოცნების“ მესაფლავეებიკლიპის ავტორმა ემიგრანტებად გაასაღა, ვიდეოს მთავარი გმირები კი მხილების შემდეგ კომენტარს არ აკეთებენ.

ხათუნა ჩაკვეტაძე ერთ-ერთია გიორგი გახარის მხარდამჭერი ვიდეორგოლებიდან. კლიპის ავტორმა ის საზოგადოებას, როგორც ემიგრანტი ისე გააცნო, თუმცა აღმოჩნდა, რომ ის არა უცხო ქვეყანაში მცხოვრები საქართველოს მოქალაქე, არამედ “ქართული ოცნების” ბათუმელი მესაფლავეა. ხათუნა ჩაკვეტაძე ბათუმის მერიის ერთ-ერთ აიპ-ში სასაფლაოების რიგითი სპეციალისტია.

ცნობილი ვიდეოს კიდევ ერთი გმირი ეკატერინე ჩიქოვანია. ისიც როგორც ემიგრანტი, ისე გაეცნო საზოგადოებას, თუმცა „ოცნების“ გუნდის პიარის სპეციალისტებმა მასაც ბათუმის სასაფლაოების სახელმწიფო სამსახურში მიაგნეს. მესაფლავე ბათუმიდან დღეს „კურიერის“ გადამღები ჯგუფის გამოჩენამ გააღიზიანა.

ე.წ. ემიგრანტების ვიდეორგოლს მთავარი მოქმედი გმირიც ჰყავს, შინაგან საქმეთა მინისტრის მხარდამჭერ მოწოდებას ელისო ჯობავა ახმოვანებს, ისიც ვითომ ქვეყნიდან გადახვეწილი ემიგრანტია, თუმცა ასევე ბათუმის მერიის აიპის თანამშრომელია.  

ვინ დაავალა საჯარო მოხელეებს გახარიას მხარდამჭერ ვიდეორგოლში მონაწილეობა, ეს არის მთავარი შეკითხვა რომელიც ამ დრომდე უპასუხოდ რჩევა.

ადგილობრივი ოპოზიცია ამბობს რომ სახელმწიფო უწყების თანამშრომლებს გახარიას მხარდაჭერა, სავარაუდოდ, სამსახურის სანაცვლოდ აიძულეს.

ავტორი: თეა ვაშალომიძე 

ავტორი: გიგლა თუმანიშვილი

http://rustavi2.ge/ka/news/138557?fbclid=IwAR0BeK3vbxu90xT0Gwec4OOdS4cGUu4iT5nxt_VFrUAax38SQcWN5QvMK_k

კომენტარები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Seo wordpress plugin by www.seowizard.org.