კვლევა: საქართველოში ყოველი 7 ქალიდან 1 ძალადობის მსხვერპლია

საქართველოში ყოველი 7 ქალიდან 1 ძალადობის მსხვერპლია – ასეთი შედეგი აჩენა კვლევამ, რომლის პრეზენტაცია დღეს გაიმართა.

კვლევა გაეროს ქალთა ორგანიზაციამ, სტატისტიკის ეროვნულმა და ევროკავშირმა ერთობლივად ჩაატარეს. ეს არის პირველი დოკუმენტი 2009 წლის შემდეგ, რომელიც ძალადობას ეხება.

კვლევის შედეგების თანახმად, 2009 წლიდან მოყოლებული მდგომარეობა გაუმჯობესებულია, თუმცა კვლავ არსებობს პრობლემები. გამოკითხული ქალების 22%-ს და კაცების 31%-ს მიაჩნია, რომ ქალის ცემა გარკვეულ გარემოებებში გამართლებულია.

“მე ვფიქრობ, რომ ქვეყანა ცალსახად წინ მიდის ძალადობასთან ბრძოლის კუთხით, მნიშვნელოვანია საზოგადოების დამოკიდებულება იყოს შესაბამისი და საზოგადოებამაც ხელი შეუწყოს ამ პრობლემის შემცირებას და მოძალადეების მიმართ დამოკიდებულება იყოს განსხვავებული, ვიდრე ზოგიერთ შემთხვევაში არის ხოლმე”, – აცხადებს თამარ ჩუგოშვილი.

პრეზენტაციამდე ცნობილი გახდა, რომ ქართველი ქალების 9% ბავშვობაში სექსუალური ძალადობის მსხვერპლი იყო.

comments

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Seo wordpress plugin by www.seowizard.org.