“მამამ თავი უნდა მოიკლას, რომ სახლიდან არ გაგვყარონ” – ფოთელი ბავშვის სულისშემძვრელი მიმართვა

10 წლის მოზარდი, რომელიც ფოთში ცხოვრობს საქართველოში მცხოვრებ მილიონერებს დახმარებას სთხოვს და სოციალურ ქსელში ვრცელ მიმართვას აქვეყნებს:

“პლანეტის მილიონერებს, მე ვარ გრიგორ ესებუა 10 წლის, ვცხოვრობ საქართველოში, ქალაქ ფოთში თამარ მეფის 71; მამა ბადრი (ბაჩუკი) ესებუა – 62 წლის, დედა – 57 წლის (დიასახლისი). მამა მუშაობს დროებითი ხელშეკრულებით ფოთის ნავსადგურში 2018 წლის მაისიდან. ადრეც აქვე მუშაობდა, მხოლოდ მუდმივ შტატში უფრო მაღალი ხელფასით (27 წლის მუშაობის სტაჟით). მამამ 2013 წელს “ვითიბი ბანკიდან” გამოიტანა იპოთეკური სესხი19 500 დოლარის ოდენობით, როცა დოლარი 1,65 ლარი ღირდა (სესხი 10-წლიანია დასაბრუნებელია 36 000 დოლარი) თავი ფული დარჩენილი აქვს 16 900 დოლარი.

მამა ყოველთვე იხდიდა 292 დოლარს. მამას აგრეთვე “ტაოპრივატ ბანკის” 35000 ლარი ჰქონდა ვალი. დოლარის კურსის მატებისა და მამას ხელფასის შემცირების გამო მამამ ვალის გადახდა ფიზიკურად ვერ შეძლო. მას ფული მხოლოდ “ვითიბი ბანკისთვის” ყოფნიდა. 2018 წელს მამას ხელფასი საქართველოს ბანკმა დაუყადაღა 2019 წლის ივნისამდე. ხელფასის ნაწილი “საქართველოს ბანკს” მიაქვს – 641 ლარი, ხოლო “ვითიბი ბანკს” 513 ლარი. საუბედუროდ, ეს თანხა “ვითიბი ბანკს” არ ყოფნის, არსებობაზე ლაპარაკი ზედმეტია.

მე მინდა მივმართო “საქართველოს ბანკის” მმართველს, არ გრცხვენიათ ქუჩაში რომ მტოვებთ, მამას ამდენ პროცენტს ახდევინებთ და მაშიმშილებთ. როგორ აზიდავთ ცოდვას უფალთან, რას ეტყვით ყველაზე დიდ მსაჯულს.

“ვითიბი ბანკში” 18000 დოლარი გადახდილი აქვს, მაგრამ ორჯერ რეორგანიზაციის გამო, ეს თანხა არ ეთვლება. ახლა ყადაღის გამო ვერ გადაიხადა და დაგროვდა 570 დოლარი. თუ ამ თანხას ორ კვირაში არ გადავიხდით,  სახლიდან გაძევება გვემუქრება. მე წასასვლელი არსად მაქვს. სად ვიცხოვრო, როგორ ვიარსებო, რა უნდა ქნას ჩემმა ასაკოვანმა მშობლებმა? მე-5 საჯარო სკოლის მოსწავლე ვარ, კარგად ვსწავლობ, მინდა ასე ბეჯითი მოსწავლე ვიყო, მაგრამ სად ქუჩაში?

გამოსავალი ერთია – მამა თავი უნდა მოიკლას, მაშინ სახლიდან არ გაგვყრიან. მამის სიცოცხლის სანაცვლოდ მიღებული სისხლიანი სახლი არ მინდა. ხის სახლი, რომელიც 100 წლისაა ავარიულ მდგომარეობაშია.

მე, გრიგოლ ესებუა კეთილ ადამიანებს გთხოვთ, გევედრებით დამეხმაროთ თანხა (თვიური გადასახადი 292 დოლარი) ივნისის თვემდე. მე სწავლას გავაგრძელებ, გავიზრდები ღირსეული ადამიანი და თქვენს ვალს აუცილებლად დაგიბრუნებთ .ოღონდა ახლა არ გამწიროთ ქუჩისათვის. გთხოვთ……….

VTB ბანკის ანგარიში GE58VT0600000958743601, ბადრი ესებუა. ტელეფონი 595 96 56 95″ – წერს 10 წლის მოზარდი.

resonancedaily.com

comments

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Seo wordpress plugin by www.seowizard.org.