ოლიგარქები საქართველოს რეგიონებიდან – “ქართული ოცნების” მაჟორიტარები დეპუტატობის შემდეგ უფრო მეტად გამდიდრდნენ

ოლიგარქები საქართველოს რეგიონებიდან – ოპოზიციამ გაარკვია, რომ ქართული ოცნების მაჟორიტარები პარლამენტში არჩევის შემდეგ უფრო მეტად გამდიდრდნენ.

გორის მაჟორიტარი დეპუტატის, იოსებ მაკრახიძის, ოჯახის კომპანია იბოლიამმარტში, დაახლოებით, 1,5 მილიონის ღირებულების 3 სხვადასხვა ტენდერი მოიგო.

ქართული ოცნების წევრის ოჯახის კომპანია შიდა ქართლში ადგილობრივი ხელისუფლების რჩეული კომპანიაა და სახელწიფო დაკვეთებსაც უმეტესად მას აძლევენ. მაგალითად, 7 მარტს ბიუჯეტიდან 0,5 მილიონი დეპუტატმა გორში სამების ქუჩის სარეაბილიტაციო სამუშაოებისთვის მიიღო.

გარდა ამისა, ოფიციალური დოკუმენტებიდან ირკვევა, რომ ბოლო ერთი წლის განმავლობაში 3,5 მილიონის სახელმწიფო ტენდერი კომპანია შარამ მოიგო, რომლის წილსაც დეპუტატ მაკრახიძის ცოლი ფლობს.

ნაციონალური მოძრაობის წევრები ამბობენ, რომ იოსებ მაკრახიძე სტატუსს და გავლენებს პირადი ბიზნესინტერესებისთვის იყენებს.

გორის მაჟორიტარი დეპუტატი პოლიტიკური ოპონენტების ბრალდებებს არ აღებს.

გარდა ამისა, ნაციონალური მოძრაობის წევრები ამბობენ, რომ ახმეტა-თელავის მაჟორიტარის, გელა სამხარაულის, საქმიანობის მიზანი არა ამომრჩევლის, არამედ პირადი ინტერესების დაცვაა, რაშიც მას ადგილობრივი ხელისუფლება ეხმარება. ახმეტა-თელავის მაჟორიტარი დეპუტატის დეიდაშვილი ახმეტის საკრებულოს თავმჯდომარეა, ცოლის ძმა კი თელავის საკრებულოს ხელმძღვანელობს.

გელა სამხარაულის მიწები ადგილობრივ საკრებულოებში ჩხუბისა და დაპირისპირების მიზეზი რამდენიმე დღის წინ გახდა. თელავის საკრებულოში, 45 ჰექტარის გამო, ერთმანეთს დეპუტატები ფიზიკურად დაუპირისპირდნენ.

კიდევ ერთი მაჟორიტარი, რომელსაც ოპოზიცია თაღლითობაში ადანაშაულებს,ქართული ოცნების წევრი, კობა ლურსმანაშვილია. ის ხარაგაულის მაჟორიტარი დეპუტატია. 2016 წელს ამ მანდატის მიღებამდე ლურსმანაშვილი რაიონის გამგებელი იყო.

ლურსმანაშვილის გამგებლობის დროს გარემონტდა ამფითეატრი, რომელიც 0,5 მილიონი ლარი დაჯდა, თუმცა, 2 წელში შენობა დაინგრა.

ნაციონალური მოძრაობა  დეპუტატს ბიუჯეტის გაფლანგვაში ადანაშაულებს. მაჟორიტარი დეპუტატი პოლიტიკური ოპონენტების ბრალდებებს ბრალდებებით პასუხობს.

ავტორი: ქეთი ნადიბაიძე

რუსთავი2

კომენტარები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Seo wordpress plugin by www.seowizard.org.