შავ ზღვაში ნატო-ს ორი სამხედრო ხომალდი შევიდა

შავ ზღვაში ნატო-ს ორი სამხედრო ხომალდი შევიდა. „ბოსფორუს ობზერვერის“ ინფორმაციით, დარდანელის სრუტე გაიარეს ბრიტანულმა საესკადრო ნაღმოსანმა, „ეიჩ-ემ-ეს დანქანმა“ და კანადურმა ფრეგატმა, „ეიჩ-ემ-სი-ეს ტორონტომ“ და შავი ზღვის აკვატორიაში შევიდნენ.

ჩრდილო ატლანტიკური ალიანსის სამხედრო ხომალდები სამხედრო სწავლება „სი ბრიზ 2019“-ში (Sea Breeze 2019) მონაწილეობის მისაღებად უკრაინისკენ მიემართებიან.

უკრაინაში ნატო-ს წევრებისა და პარტნიორების მონაწილეობით სამხედრო წვრთნები 12 ივლისამდე გაგრძელდება. სამხედრო სწავლებაში მონაწილეობას იღებს 30 ხომალდი, 30 საფრენი აპარატი და საზღვაო ქვეითი დანაყოფების პირადი შემადგენლობის 900-ზე მეტი ჯარისკაცი.

ავტორი – გივი ბარამიძე

კომენტარები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Seo wordpress plugin by www.seowizard.org.