7 თებერვალს პარლამენტის საგაზაფხულო სესია გაიხსნება

მომავალ კვირას პარლამენტის საგაზაფხულო სესია გაიხსნება. რეგლამენტის თანახმად, პარლამენტის საგაზაფხულო სესია თებერვლის პირველ სამშაბათს იხსნება. ამის შესახებ ipn-ი წერს.

სესია 6 თებერვალს ბიუროს სხდომით გაიხსნება. სავარაუდოდ, 7 თებერვალს საგაზაფხულო სესიის პირველი პლენარული სხდომა გაიმართება, რაზეც გადაწყვეტილებას ბიურო მიიღებს.

საგაზაფხულო სესიის დასაწყისში განხილვის ერთ-ერთი მთავარი თემა “მაუწყებლობის შესახებ“ კანონში ცვლილებები იქნება, რომელსაც პრეზიდენტმა ვეტო დაადო და მოტივირებული შენიშვნებით პარლამენტს უკან დაუბრუნა.

რეგლამენტის თანახმად, პრეზიდენტის მიერ მოტივირებული შენიშვნებით დაბრუნებულ კანონპროექტს პარლამენტი 15 დღის ვადაში იხილავს.

სავარაუდოდ, მომავალ კვირას, პირველი მოსმენით განიხილავენ “სამხედრო ძალების რეზერვისა და სამხედრო სარეზერვო სამსახურის შესახებ“ კანონპროექტს, რომელიც რეზერვისა და მობილიზაციის ახალი სისტემის ჩამოყალიბებას ისახავს მიზნად.

გარდა ამისა, უახლოეს პერიოდში დეპუტატთა ეთიკის კოდექსის მიღება იგეგმება.

comments

ვაკო კუპრაშვილი

საინფორმაციო ანალიტიკური სააგენტო "INFO NEWS"-ის ჟურნალისტი

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Seo wordpress plugin by www.seowizard.org.