დასავლეთის რუსეთზე ზეწოლის ახალი ტალღა და საქართველოსთვის ნატოს ფანჯრის შესაძლო გახსნა

რუსეთის მიმართ დასავლეთის კრიტიკა იზრდება, ევროკავშირში ახალ სანქციებზე ალაპარაკდნენ – გერმანიის საგარეო მინისტრი ჰეიკო მაასი ევროკავშირს მოუწოდებს ალექსეი ნავალნის მოწამვლასთან დაკავშირებით რუსეთს ახალი სანქციები დაუწესოს.

შესაძლოა თუ არა ამან ნატოს პოლიტიკა უფრო აქტიური გახადოს საქართველოს ინტეგრაციასთან მიმართებაში – ამის შესახებს „რეზონანსთან” საერთაშორისო ექპერტმა თენგიზ ფხალაძემ ისაუბრა. ის აცხადებს, რომ ვეროკავშირის განცხადება, პირდაპირ კავშირში არ არის ნატოს გაფართოებასთან, თუმცა შესაძლებელია ერთ-ერთი ფაქტორი იყოს.

„უმრავლეს შემთხვევაში ერთი და იგივე სახელმწიფოებზე ვლაპარაკობთ, ევროკავშირი და ნატო სხვადასხვაა. ავტომატურად ნატოს გაფართოების პროცესის ინტენსიფიცირებას სანქციების დაწესებას არ ნიშნავს, თუმცა, რუსეთი უფრო და უფრო საფრთხედ აღიქმება საერთო ევროპული უსაფრთხოებისათვის. ჩვენ ამაზე ვლაპარაკობთ ძალიან დიდი ხანია და ცხადია ეს მნიშვნელოვანია.

“რუსეთის ქმედებები, რომელიც ხდება საქართველოში – აღმოსავლეთ პარტნიორობის ქვეყნებში მნიშვნელოვანი პრობლემაა არა მხოლოდ ჩვენთვის, არამედ საერთო ევროპული უსაფრთხოებისათვის.

“აქედან გამომდინარე, ჩვენ მეტი საშუალება გვაქვს ვილაპარაკოთ ამ საერთო საფრთხიდან დაცულობის მექანიზმზე, მათ შორის ნატოს კონტექსტში. ევროკავშირის განცხადება, პირდაპირ კავშირში არ არის ნატოს შემდგომ გაფართოებასთან, მაგრამ ეს შეიძლება იყოს ერთ-ერთი ფაქტორი, რამაც შესაძლოა იმუშავოს იმ ფანჯრების შესაქმნელად, რომელიც აუცილებელია საქართველოს ნატოში გაწევრიანებისათვის”, – განაცხადა „რეზონანსთან” ფხალაძემ.

მისივე თქმით, სანქციების მიღებისას აუცილებელია შეთანხმება და კონსესუსის მიღწევა.

„რუსეთს ევროკავშირმა შეიძლებa ბევრი რამ დაუწესოს – კომპანიებზე სანქციები, სექტორალური სანქციები და პერსონალური სანქციები. ყველაფერი დამოკიდებულია იმაზე თუ რაზე შეთანხმდებიან.

“ევროკავშირში გადაწყვეტილებას არ იღებს ერთი სახელწიფო და არც მხოლოდ ევროკომისია. აუცილებელია შეთანხმება და კონსესუსის მიღწევა. რისთვის იქნებიან მზად სხვა სახელმწიფოები, რაზე მოახერხებენ შეთანხმებას. აქედან გამომდინარე, განისაზღვრება სანქციების ხასიათი და მათი სიმკაცრეც”, – განაცხადა ფხალაძემ.

გერმანიის საგარეო მინისტრი ჰეიკო მაასიმ ახალი ამბების პორტალ t-online-სთან ინტერვიუში განაცხადა, რომ ევროკავშირს მოუწოდებს, საერთაშორისო კანონმდებლობით აკრძალული ნერვული აგენტით ალექსეი ნავალნის მოწამვლასთან დაკავშირებით რუსეთს ახალი სანქციები დაუწესოს.

მისივე თქმით, თუკი გერმანიის, შვედეთისა და საფრანგეთის ლაბორატორების შედეგები დადასტურდება, ევროკავშირს ამაზე აშკარა რეაგირება ექნება.

“სანქციები ყოველთვის უნდა იყოს მიზანმიმართული და პროპორციული. მაგრამ ქიმიური იარაღის საერთაშორისო კონვენციის ასეთი მძიმე დარღვევა არ შეიძლება უპასუხოდ დარჩეს. ამ საკითხზე ევროპაში ერთი აზრი არსებობს “, – განაცხადა მაასმა.

ცნობისთვის, ევროკავშირის ლიდერები რუსეთის წინააღმდეგ სანქციების დაწესების საკითხს მომავალ სამიტზე განიხილავენ, რომელიც 15-16 ოქტომბრისთვისაა დაგეგმილი.

მარიკა ხორავა
resonancedaily.com

0Shares
infonews.ge

კომენტარები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.