ილონ მასკის ქონება, ერთ კვირაში 1,7 მილიარდი აშშ დოლარით გაიზარდა

ბიზნესმენ ილონ მასკის ქონება, ერთ კვირაში 1,7 მილიარდი აშშ დოლარით გაიზარდა და 32 მილიარდი აშშ დოლარი შეადგინა. ამის შესახებ Forbes-ი წერს.

ეს ავტოკონცერნ Tesla-ს კოტირებების ზრდის ხარჯზე მოხდა. 23 იანვარს, კომპანიის კოტირებები 16%-ით გაიზარდა.

შედეგად, Tesla-ს კაპიტალიზაციამ პირველად გადააჭარბა 100 მილიარდ აშშ დოლარს და დღევანდელი მდგომარეობით იგი 101,8 მილიარდ აშშ დოლარს შეადგენს. ამ მაჩვენებლების მიხედვით, კომპანიამ გაუსწრო Ford და GM-ს, რასაც Forbes-ი წარმოუდგენელ მიღწევას უწოდებს. Tesla-მ გასულ წელს დაახლოებით 367 ათასი ავტომობილი გამოუშვა, ხოლო Ford და GM-მა 2,4 და 2,9 მილიონი.

თუკი Tesla 100 მილიარდ აშშ დოლარიან ნიშნულს რამდენიმე თვის განმავლობაში შეინარჩუნებს, ილონ მასკმა შესაძლოა 346 მილიონი აშშ დოლარის მოცულობის პრემია მიიღოს, ამის შესახებ Bloomberg-ი წერს. 2018 წლის მარტში, კომპანიის აქციონერებმა, მეწარმის ანაზღაურება ავტომობილების საწარმოს ფინანსურ მაჩვენებლებს მიაბეს – საუბარია 12 ტრანშზე 10 წლის განმავლობაში. იმისათვის, რომ ყველა ტრანში მიიღოს, მასკმა კომპანიის საბაზრო ღირებულება 650 მილიარდ აშშ დოლარამდე უნდა გაზარდოს. Bloomberg-ი წერდა, რომ კომპენსაციის მაქსიმალურმა რაოდენობამ შესაძლოა 50 მილიარდ აშშ დოლარს გადააჭარბოს.

ipress.ge

0Shares
infonews.ge

კომენტარები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Seo wordpress plugin by www.seowizard.org.