“კახა კალაძე ბიძინა ივანიშვილს “ქართულ ოცნებას” წაართმევს”

“ბიძინა ივანიშვილი უნდა დაფიქრდეს, რამდენად ხიფათის შემცველია დღეს კალაძე მისთვის. გამორიცხული არ არის, ივანიშვილმა “ოცნება“ დაკარგოს”, – ამის შესახებ პარტია “ტრიბუნას” დამფუძნებელი დავით ჭიჭინაძე აცხადებს.

„ბიძინა ივანიშვილი უნდა დაფიქრდეს, რამდენად ხიფათის შემცველია დღეს  კალაძე მისთვის. გამორიცხული არ არის, ივანიშვილმა „ოცნება“ დაკარგოს. მითუმეტეს, რომ  „ოცნების“ დეპუტატების დიდ ნაწილს მორალი და პრინციპი ნაკლებად გააჩნია. ისინი ყოველთვის კარგად გრძნობენ, ვის ამოეფარონ და ვის მხარეს  იყვნენ და შესაბამისად, სხვა ბანაკშიც უმარტივესად გადაბარგდებიან, რადგან  მათ ყველას თავისი პირადი პოლიტიკური მომავალი ადადრდებთ და არა ქვეყნის ბედი. დღევანდელი რეიტინგებითაც, კალაძეს უფრო კარგი შედეგი აქვს, ვიდრე თუნდაც  იგივე პრემიერს, ან სხვებს. 

ეს კი ყოველთვის ხდება შურის საფუძველი პოლიტიკურ ბრძოლებში. ამიტომ, რაც უფრო მოახლოვდება არჩევნები, დაპირისპირებაც გამძაფრდება, რადგან სია დიდი ვერ იქნება, თავისი გავლენის მოპოვებას კი ყველა შეეცდება. სკამებიც უფრო ცოტაა, ვიდრე ხალხი. თუ ადრე დაპირისპირება იყო კალაძე-გახარიას გუნდებს შორის,  ახლა როგორც ჩანს, გახარია  აღარაა „პოპულარული“ მინისტრი. თვითონ „ქართულ ოცნებაშიც“ აშკარად შემცირდა ნდობა ბიძინა ივანიშვილისადმი და ეს ეტყობა კიდეც – რაღაც უფრო თამამები ჩანან ბიჭები. მოკლედ, თუ ივანიშვილმა შიგნით არ დაამყარა წესრიგი, პარტიის სადავეები მალე გენერალური მდივნის ხელში აღმოჩნდება“, – აცხადებს ჭიჭინაძე.

https://2020news.ge
0Shares
infonews.ge

კომენტარები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.