კორონავირუსით ესპანეთის სამეფო დინასტიის წარმომადგენელი პრინცესა მარია ტერეზა გარდაიცვალა

პარიზში კორონავირუსით გარდაიცვალა ესპანეთის მეფე ფელიპე VI-ის ბიძაშვილი, 86 წლის პრინცესა მარია ტერეზა. ეს ევროპის სამეფო დინასტიათა შორის COVID-19-ის შედეგად სიკვდილის პირველი შემთხვევაა.

მარია ტერეზას „წითელ პრინცესას“ უწოდებდნენ „სოციალისტური მონარქიის“ იდეების ერთგულებისთვის. ის კარლისტების მონარქისტულ პარტიას უჭერდა მხარს და ამავე დროს კაპიტალიზმს აკრიტიკებდა.

ამჟამად კორონავირუსით ინფიცირებულია სამეფო დინასტიების ორი წარმომადგენელი: ბრიტანეთის ტახტის მემკვიდრე პრინცი ჩარლზი და მონაკოს მმართველი თავადი ალბერ II. ესპანეთის მეფეს ინფექცია არ აღმოაჩნდა.

ესპანეთი კორონავირუსის მსხვერპლთა რიცხვით მეორე ადგილზეა იტალიის შემდეგ. ქვეყანაში 6 ათასამდე ადამიანი გარდაიცვალა.

ამჟამად მსოფლიოში კორონავირუსით ინფიცირებულთა რიცხვმა 669 ათასს გადააჭარბა. გარდაიცვალა 30 ათასზე მეტი ადამიანი. გამოჯანმრთელდა 142 ათასამდე.

0Shares
infonews.ge

კომენტარები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Seo wordpress plugin by www.seowizard.org.