ინფექციური საავამყოფოს ბოქსირებული განყოფილების დირექტორი, მარინა ენდელაძე კორონავირუსის მიმდინარეობის დროს ადამიანის განწყობაზე საუბრობს.
როგორც ენდელაძე ამბობს, ინფიცირების დროს ადამიანის განწყობას დიდი მნიშვნელობა აქვს, რადგან ხშირ შემთხვევაში ვისაც არ ეშინია, მასთან დაავადება „კეთილსაომედოდ მიდის“.
„დადებითი განწყობა, იმედი მართლაც ახდენს გავლენას კორონავირუსის მიმდინარეობაზე. ეს მეცნიერულად დამტკიცებული არ არის, მაგრამ ბევრი ასეთი შემთხვევა ვნახეთ, უამრავი კონტაქტი გვქონია და დავაკვირდით, დადებითი ემოციები ვისაც აქვს, ვისაც არ ეშინია, იმედიანად ვინც არის, მათთან დაავადებაც უფრო კეთილსაიმედოდ მიდის. აუცილებლად უნდა გქონდეთ დადებითი განწყობა, მით უმეტეს, ვიცით, რომ ძალიან დიდ პროცენტში ეს დაავადება მსუბუქად ან საშუალო სიმძიმით მიმდინარეობს და შეიძლება, ასეთმა პაციენტებმა ბინაზე გადაიტანონ.
ამიტომ, არ უნდა გვქონდეს განსაკუთრებული შიში და ერთ საკითხზე გავამახვილებ ყურადღებას: ჩვენ ბევრს ვსაუბრობთ თანმხლებ დაავადებებზე და ამ დაავადებებს მართლაც აქვთ მნიშვნელობა, მაგრამ ძალიან ბევრი პაციენტი გვყავდა, ვისთაც ვშიშობდით, რომ დაავადება დამძიმდებოდა, მაგრამ არ დამძიმდნენ, მათ შორის, ძალიან სერიოზული თანმხლები დაავადების მქონენიც“,- აღნიშნავს მარინა ენდელაძე.
