საერთაშორისო სავალუტო ფონდმა ქვეყნების ეკონომიკური ზრდის განახლებული მაჩვენებლები გამოაქვეყნა, რომლის მიხედვით, 2020 წელს მსოფლიო ეკონომიკა 3%-ით შემცირდება. განვითარებული ქვეყნების ეკონომიკა ჯამურად 6%-ით შემცირდება, ხოლო განვითარებადის 1%-ით. რეგიონების მიხედვით ზრდა მხოლოდ აღმოსავლეთ აზიის განვითარებად ქვეყნებშია მოსალოდნელი 1%-ის დონეზე.
ქვეყნების მიხედვით, 2020 წელს ყველაზე მეტად ლიბიის ეკონომიკა შემცირდება -58.7%-ით. შემდეგ ვენესუელა მოდის -15%-ით. 12-12-%-ით შემცირდება ლიბანის და ბელიზის ეკონომიკა. ევროპის ქვეყნებიდან ყველაზე მეტად საბერძნეთის ეკონომიკა შემცირდება -10%-ით. შემდეგ მოდის იტალია 9.1%-ით.
სავალუტო ფონდის პროგნოზით წელს საქართველოს ეკონომიკა 4%-ით შემცირდება, სომხეთის 1.5%-ით, აზერბაიჯანის 2.2%-ით, თურქეთის 5%-ით, ხოლო რუსეთის 5.5%-ით.
2020 წელს 152 ქვეყნის ეკონომიკა შემცირდება, ხოლო 37 ქვეყნის ეკონომიკა მცირედით გაიზრდება.
ცხრილი: ქვეყნები, სადაც 2020 წელს ეკონომიკა ყველაზე მეტად შემცირდება
forbes.ge