ოთხშაბათი, მაისი 29, 2024
Google search engine
მთავარიეკონომიკასაქართველოში საშუალო ხელფასი ლუქსემბურგთან შედარებით 10-ჯერ, ბალტიის ქვეყნებთან შედარებით 3-ჯერ ნაკლებია -...

საქართველოში საშუალო ხელფასი ლუქსემბურგთან შედარებით 10-ჯერ, ბალტიის ქვეყნებთან შედარებით 3-ჯერ ნაკლებია – როგორია საათობრივი ანაზღაურება ევროპის ქვეყნებში

ევროპაში ყველაზე მაღალი საათობრივი ანაზღაურება – საათში 47 ევრო, ლუქსემბურგშია. ლუქსემბურგს ასევე აქვს მსოფლიოში ყველაზე მაღალი მშპ ერთ სულ მოსახლეზე. სამეულშია სკანდინავიის ქვეყნები – დანია და ნორვეგია. ყველაზე დაბალი ხელფასი კონტინენტზე კი ბულგარეთშია.

ევროპის მასშტაბით საათში არსებულ საშუალო ხელფასის რუკას Visual Capitalist-ი Eurostat-̉ის მონაცემებზე დაყრდნობით აქვეყნებს. რუკაზე რაც უფრო ლურჯია ქვეყანა, მით უფრო დაბალია საათობრივი ანაზღაურება და პირიქით, რაც უფრო ღია ელფერისაა, მით უფრო მაღალია საათობრივი ხელფასი.

Visual Capitalist-ის რუკაზე საქართველო არ მოხვდა, თუმცა საქსტატის მონაცემებით, 2023 წლის IV კვარტალში საქართველოში საშუალო თვიური ხელფასი 2 044.5 ლარი იყო, რაც საათში 12.7 ლარი (4.4 ევრო) გამოდის. ეს კი ლუქსემბურგის საშუალო საათობრივ ანაზღაურებასთან შედარებით 10-ჯერ, ბულგარეთთან შედარებით თითქმის 2-ჯერ ცოტაა, ხოლო ბალტიის ქვეყნებთან შედარებით 3-ჯერ ნაკლებია.

Visual Capitalist-ის მონაცემთა ბაზის მიხედვით, ჩრდილოეთ და დასავლეთ ევროპას უფრო მაღალი საშუალო ხელფასი აქვს, ვიდრე სამხრეთ და აღმოსავლეთ ევროპას, რაც ასახავს განსხვავებებს ეკონომიკაში, სიმდიდრესა და ცხოვრების ღირებულებაში.

ქვეყანა / საშუალო ხელფასი (€/საათი)

ლუქსემბურგი – 47,2 ევრო/საათში;

დანია – 42.0 ევრო/საათში;

ნორვეგია – 41,7 ევრო/საათში;

ისლანდია – 39,5 ევრო/საათში;

ბელგია 36,3 – ევრო/საათში;

ირლანდია – 33,3 ევრო/საათში;

ნიდერლანდები – 33.0 ევრო/საათში;

გერმანია – 31,6 ევრო/საათში;

ფინეთი – 30,5 ევრო/საათში;

ავსტრია – 30.0 ევრო/საათში;

საფრანგეთი – 28,7 ევრო/საათში;

შვედეთი – 26,3 ევრო/საათში;

იტალია  – 21,5 ევრო/საათში;

ესპანეთი 18,2 ევრო/საათში;

კვიპროსი 16,3 ევრო/საათში;

ლიეტუვა – 14.0 ევრო/საათში;

მალტა – 14,0 ევრო/საათში;

პორტუგალია – 13,7 ევრო/საათში;

ჩეხეთი  – 13,6 ევრო/საათში;

ესტონეთი – 13,6 ევრო/საათში;

ხორვატია – 12,7 ევრო/საათში;

საბერძნეთი – 12,6 ევრო/საათში;

სლოვაკეთი – 12,5 ევრო/საათში;

პოლონეთი – 11,9 ევრო/საათში;

უნგრეთი – 11.0 ევრო/საათში;

ლატვია – 10,7 ევრო/საათში;

რუმინეთი – 10,4 ევრო/საათში;

ბულგარეთი – 8,1 ევრო/საათში.

Visual Capitalist-ი წერს, რომ ხელფასის შესახებ ინფორმაციის არქონის გამო სიაში არ მოხვდა ბრიტანეთის, შვეიცარიის, ანდორას, სან-მარინოს, მონაკოს, ვატიკანის, სერბეთის, ბოსნია და ჰერცეგოვინისა და ლიხტენშტაინის მონაცემები.

მაკა ბიბილაშვილი

წყარო: commersant.ge

დაკავშირებული სტატიები
უახლესი ამბები

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ

Google search engine

პოლიტიკა

“ქართული ქარტია” – პრეზიდენტის ახალი ინიციატივა/სრული ტექსტი

საქართველოს პრეზიდენტმა, სალომე ზურაბიშვილმა საზოგადოებისთვის მის მიერ შეთავაზებული "ქართული ქარტია" წარადგინა, რომელსაც გთავაზობთ სრულად: "ქართულ ქარტიაში ასახულია საზოგადოების დაკვეთა და მოთხოვნა. ის თავისი არსითა და...

ეკონომიკა

საზოგადოება

სამართალი

სხვა