img-69638-1605186281

გურჯაანის სოფელ ახაშენში საკუთარ ეზოში 39 წლის კაცი გარდაცვლილი იპოვეს

გურჯაანის მუნიციპალიტეტის სოფელ ახაშენში 39 წლის კაცი გარდაცვლილი იპოვეს. ის მეზობელმა საკუთარი სახლის საცხოვრებელ ეზოში იპოვა.

გარეგნული დათვალიერებით, გარდაცვლილს დაზიანებების კვალი არ აღენიშნება.

შინაგან საქმეთა სამინისტროს განცხადებით, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

infonews.ge
img-69635-1605183672

ეპიდემიის ზრდის გამო 100 ათასი მოწამის ხსენების დღეს სახალხო მსვლელობა არ გაიმართება – საპატრიარქო

საქართველოს საპატრიარქოს ინფორმაციით, ეპიდემიის მკვეთრი გავრცელების გამო, 13 ნოემბერს, 100 ათასი მოწამის ხსენების დღეს სახალხო მსვლელობა აღარ გაიმართება.

„პარასკევს, 13 ნოემბერს, არის ხსენება თბილისში ჯალალ ედ-დინის დროს წამებულ 100 000 ქართველთა. ამ დღეს ტრადიციულად ეწყობოდა ხალხმრავალი მსვლელობა, რომელიც მეტეხის ხიდზე სრულდებოდა პარაკლისით, სხვადასხვა საზეიმო ღონისძიებითა და წყალზე ყვავილების მოფენით.

ეპიდემიის მკვეთრი გავრცელების გამო, წელს მრევლის მსვლელობა აღარ გაიმართება. 17.00 საათზე მხოლოდ მცირე პარაკლისი ჩატარდება და ყვავილების გვირგვინი ანთებული სანთლებით მტკვარში ჩაესვენება ქრისტესთვის წამებული ჩვენი წინაპრებისადმი მადლიერების ნიშნად”, – აღნიშნულია საპატრიარქოს განცხადებაში.

infonews.ge
kovidfoto-1

“ვიღვიძებ ფიქრით, დღეს ვინ აღმოჩნდება “დასახვრეტთა” სიაში”- ექიმის წერილი

ექიმი, კარდიოლოგი, ინგა ბოჭორიშვილი, სოციალურ ქსელში, წერს:

„პანტაპუნტით გვეცლება ექიმები კლინიკიდან. ყოველ დღე თითო-თითო მჩქეფარე სუბიექტი უვარდება თვითიზოლაციას მკლავებში. ყოველ დილით ვიღვიძებ თუ არა, ავტომატურად ველოდები ახლა ამბავს – დღეს ვინ აღმოჩნდება “ დასახვრეტთა” სიაში. ადრე დიდად ვერ ვითავისებდი იმ დისკომფორტს რომელიც ავადმყოფობის გარდა სხვა ბევრ რამეს თავდაყირა აყენებს.

ქუთაისსა და თბილისს შორის გაბმული ექიმის პირობაზე არ ვგრძნობ თავს უკმაყოფილოდ. ადრე თუ დამიჩივლია, რომ მშვიდი და ნორმალური- ადგილობრივი ყოფა მეტად საოცნებო რამ გახდა ჩემი რეალობისათვის, ახლა მხოლოდ იმაზე ვლოცულობ, რომ ცოტა ხანი კიდევ “გავქაჩო” და მთავარია, სადმე რაიმე არ გავჭედო, ან თავად არ გავიჭედო. შიშველი ცხვირ-პირის დანახვაზე ზუსტად ისეთივე რეაქცია მაქვს, როგორც ნუდისტებისა ქალაქში – დისკომფორტის შეგრძნება.

სამსახურში ყველანი დაზაფრულები ვართ და მხოლოდ იმაზე ვნერვიულობთ, რომ ვირუსი სხვასთან არ გავავრცელოთ, საკუთარ თავსაც დავეძებთ, რა თქმა უნდა. ძირითადად, ოჯახის წევრებს ვმტრობთ მაგ ამბავში. ყოველდღე covid-19-ის მზარდი შემთხვევები ჩვეულებრივი გახდა, თითქოს შევეჩვიეთ ისევე, როგორც ყველაფერს მიუღებელს ან ახალს ეჩვევა ადამიანის გონება ხანგრძლივი აგიტაცია-პროპაგანდის შემდეგ.

სადაც არ უნდა გაიხედო, ყველგან რაღაც ისეთი ხდება, რამაც ამოაგდო კონტექსტიდან ცივილიზაცია. ხან რას გავურბივართ, ხან რას.

ჩემი აზრით, ძლიერი ყოფილა ადამიანის გონება – მაინც ასე ჰქვია, რომ უმაღლეს საფეხურზე ჯერჯერობით ჩვენ ვდგავართ ( მიუხედავად ყველაფრისა). თავს ვიიმედებთ, ვირთობთ, ვიძლიერებთ, ვოცნებობთ, მიზნებს ვსახავთ და ასე შემდეგ. მე კი ამ პირუეტიდან ცალი თვალით ვიჭვრიტები და ვფიქრობ, ადრე თუ გვიან ალბათ მეც გამომდებს covid-ი კლანჭს და მერე ვინმეს მეც დავასაჩუქრებ, მაგრამ ერთი ძლიერი შიში მიღრღნის გონებას: ნეტა, ახალ წელს მარტო არ დავრჩებოდე, ან მდე ან შემდეგ მოხდეს ჩვენი გაცნობა.

ჯანმრთელობას გისურვებთ! ამტანობას და დღეგრძელობას!!!“

infonews.ge
BeFunky-collage-24-scaled

„მგონი, ძალიან ადრეა მათი მხრიდან ზეიმი“ – გუდაურში მოკლული თაზო გორთამაშვილის ნათესავი

გუდაურში მომხდარი მკვლელობის საქმეზე ბრალდებული მერაბ კობიაშვილის სასამართლო დარბაზიდან გათავისუფლებას გარდაცვლილი თაზო გორთამაშვილის ოჯახის წევრი, ნინი გულიაშვილი ეხმაურება.

 

„ძალიან გთხოვთ, თუ აკეთებთ რეპორტაჟს, სწორი დასათაურება დაურთოთ თან! გაათავისუფლეს? ჯერ არავინ გაუთავისფლებიათ! მოდი დავიწყოთ იქიდან, რომ ეს არ არის გათავისუფლება, ის არ გათავისუფლებულა ჯერ არაფრისგან, რადგან არ დასრულებულა პროცესები და სასამართლოს არ უცნია უდანაშაულოდ, ეს არის ფორმალობა რომელიც ეკუთვნის კანონით (9-თვიანი წინასწარი პატიმრობის ვადის ამოწურვის გამო) და ეს გამოიწვია ვადაში ვერ ჩატევამ, მგონი ძალიან ადრეა მათი მხრიდან ზეიმი და რამეს მტკიცება, რადგან პროცესები ჯერ ისევ მსვლელობაშია.

 

​ჩვენს ქვეყანაში არ არის იოლი მსაჯულების შერჩევა, რადგან ჩვენ ვერ ვაზროვნებთ სამართლებრივად, ჩვენ ვწყვეტთ ემოციური ფონით, და ეს საქმე იმდენად წმინდა სამართლებრივად განსახილველია, რომ ამის მოლოდინი მქონდა კიდეც, რომ ვერ მოხდებოდა ვადაში ჩატევა, მაგრამ ვიმეორებ, არაფერი დასრულებულა, არსებობს სამართლებრივი და კანონიერი გზები, რომ დამნაშავე არ დარჩეს დაუსჯელი. მჯერა, პროკურატურა ყველა ბერკეტს გამოიყენებს ამისთვის და არ დაგვჭირდება ზედმეტი ჩარევა. წინააღმდეგ შემთხვევაში, იმდენად დიდი და მწარეა ჩვენი დანაკარგი, რომ უკან არაფერზე დავიხევთ!

P.S ჯერ ყველაფერი წინ არის და აუცილებლად დაისჯება მკვლელი მკვლელობისთვის“, – წერს გუდაურში გარდაცვლილის რძალი სოციალურ ქსელში.

 

შეგახსენებთ, 16 თებერვალს, გუდაურში ახალგაზრდა მამაკაცი მოკლეს, ერთი კი დაჭრეს. აღნიშნულთან დაკავშირებით, სამართალდამცავებმა მერაბ კობიაშვილი დააკავეს.

 

კობიაშვილს თავდაპირველად ბრალი მკვლელობისა და მკვლელობის მცდელობისთვის წაუყენეს, შემდეგ კი ცემის მუხლით. ამასთან, პროკურატურამ მერაბ კობიაშვილის მიმართ ჯგუფურად განხორციელებული ძალადობის ფაქტზე ბრალი 6 პირს წარუდგინა და მათი საქმე ცალკე წარმოებად გამოიყო.

infonews.ge
125163761_823853561733853_112785216143774112_n

პატარა ომის დიდი სცენარი

ეკონომიკის მეცნიერებათა დოქტორი, ინჟინერ–გეოლოგი, საქარველოს საინჟინრო აკადემიის წევრ–კორესპოდენტი, პუბლიცისტი ვაჟა კაკაბაძე

უკვე 26 წელია რაც ყარაბაღის გამო ერთმანეთს ებრძვიან აზერბაიჯანელები და არმენები (ხაიკი), რომელიც არც აზერბაიჯანელებისაა და არც სომხების, არამედ ძირძველი ქართული მიწაა; და, როგორც იქნა მშვიდობა დამყარდა, რაც ძალიან კარგია და მახარებს, მაგრამ როგორც ბერტოლტ ბრეხტი თავის ნაწარმოებში ამბობს „კავკასიური ცარცის წრე“ – „მშვიდობის გეშინოდეს საქართველო“,  და მართლაც ასეა:

თურქეთმა და რუსეთმა ხელი მოაწერეს ურთიერთგაგების მემორანდუმს მთიან ყარაბაღში რუსეთ-თურქეთის ცენტრის შექმნის შესახებ, რომელიც ცეცხლის შეწყვეტის რეჟიმის განხორციელების პროცესს გააკონტროლებს, – თურქული მედიის ინფორმაციით, ამის შესახებ ქვეყნის პრეზიდენტმა რეჯეფ თაიფ ერდოღანმა განაცხადა.

მისივე თქმით, მხარეებმა დოკუმენტი უკვე გააფორმეს – ასეთი ინფორმაცია გავრცელდა რაც რეალობას შეესაბამება და გამახსენდა ილია ჭავჭავაძის ნაწარმოები: „მგზავრის წერილები“, სადაც ის ხაზგასმით აღნიშნავს, რომ ყველას საკუთარი თავი მასვე უნდა ეკუთნოდეს ანუ ქვეყნის ბედს მისი ძირძველი მოსახლეობა უნდა განაგებდეს; დიახ ჩემი ქვეყნის ბედს მე უნდა განვაგებდე – აფხაზებსა და დანარჩენ ქართველებს შორის არსებულ გაუგებრობას სხვა ანუ მესამე ძალა კი არ უნდა აგვარებდეს, არამედ ჩვენ თვითონ უნდა ვაგვარებდეთ; მესამე ძალა ყოველთვის თავის სასარგებლოდ აგვარებს საქმეს.

ყარაბაღის საკითხს კიდევ უფრო ართულებს შემდეგი გარემოება:  თურქეთი მთიან ყარაბაღში სამშვიდობო ძალებს შეუერთდება და ცეცხლის შეწყვეტის შეთანხმების განხორციელებას რუსეთთან ერთად გააკონტროლებს“, – ეს კიდევ უფრო ძაბავს ვითარებას, რამეთუ თუ განახლდა ომი ის უფრო ფართო მაშტაბიანი იქნება და მასში ჩაერთვებიან ისეთი დიდი სახელმწიფოები როგორიცაა თურქეთი და რუსეთი და ეს იქნება ფართო მაშტაბიანი მესამე მსოფლიო ომის დასაწყისი.

ყარაბაღის შეთანხმების თანახმად, არმენია აზერბაიჯანს ქალბაჯარს 15 ნოემბრამდე გადასცემს, აღდამსა და გაზახს 20 ნოემბრამდე, ლაჩინს – 1 დეკემბრამდე. ოკუპაციის შედეგად საკუთარი მიწებიდან განდევნილი აზერბაიჯანელები გაეროს ლტოლვილთა უმაღლესი კომისარიატის ზედამხედველობით თავიანთ ტერიტორიებზე (კავკასიელი ალბანელების) დაბრუნდებიან,” – აღნიშნულთან დაკავშირებით ჩნდება კითხვები: რამდენად შეძლებენ აზერბაიჯანელები და არმენები თანაარსებობას? და, ასევე: თუ ვერ მოახერხეს ერთად ცხოვრება რა მოხდება? პასუხი: არმენები არ შეეგუებიან აზერბაიჯანელების დაბრუნებას ყარაბაღში, ხოლო რუსეთის „სამშვიდობო“ ძალები ფარულად შეეცდებიან მათ დაპირისპირებას, ისე როგორც ეს მოხდა სამაჩაბლოში (ცხინვალის რეგიონი). ახლა პასუხი მეორე კითხვაზე (თუ ვერ მოახერხეს ერთად ცხოვრება რა მოხდება?) არმენები დატოვებენ ყარაბაღს, ნაწილი ჩასახლდება ჯავახეთში, უმეტესი ნაწილი აფხაზეთში, ზოგი ჩამოვა თბილისში თავის ნათესავებთან და ზოგიც წავა რუსეთში – აი, ეს არის მთავარი ჩანაფიქრი ლავროვის რუსეთის, მკითხავთ, მაინც რა ჩანაფიქრია? რა და: ლავროვს და რუსეთში მაცხოვრებელ არმენებს სურთ, რომ მუდმივად არსებობდეს დაპირისპირება თურქეთსა და რუსეთს შორის ანუ სამაგიეროს გადახდა თურქეთის ტერიტორიიდან მათი გამოდევნების გამო; სურთ საქართველოს გასომხება; აფხაზეთის საბოლოოდ ხელში ჩაგდება; ჯავახეთის დამოუკიდებლობის გამოცხადება და კავკასიაზე კონტროლი.

ჩნდება კიდევ ერთი კითხვა: რას უნდა უკავშირდებოდეს მაიკლ პომპეოს დაუგეგმავი ვიზიტი საქართველოში? პასუხი: რას და, საქმე იმაში გახლავთ, რომ ყარაბაღში განვითარებულმა მოვლენებმა რადიკალურად დაარღვია რეგიონში არსებული ძალთა ბალანსი, რომლის ფარგლებშიც მოქმედებდა ფრთხილად და აუჩქარებლად ამერიკული პოლიტიკა; ხოლო არსებულ მოცემულობაში ამერიკელები მიხვდნენ, რომ საჭიროა სწრაფი და არაორდინალური მოქმედებები, იმისათვის რომ შეინარჩუნოს რეგიონში საკუთარი პოზიცია.
ვფიქრობ, შეერთებულმა შტატებმა დაინახა რეგიონში თამაშგარედ დარჩენის საფრთხე და იწყებს აქტიურ მოქმედებას; ალბათ, ჩემი მოსაზრებით, შემოქვთავაზებენ  ევრო-ატლანტიკურ სისტემაში დაჩქარებულ ინტეგრაციას, და ისევ ჩნდება კითხვა: აფხაზეთისა და სამაჩაბლოს (ცხინვალის რეგიონი) გარეშე? ეს ძალიან დამაფიქრებელია – თავიდანვე ხომ არ იყო ასე განზრახული? არც იმას გამოვრიცხავ, რომ საუბარი დაიწყოს ამერიკის შეიარაღებული ძალების კონტინგენტის რაღაც ფორმით სასწრაფო განლაგებაზე საქართველოში.

და, ამ ჩემს მოკლე ანალიზს ასე დავმთავრებ: რა გითხრათ? რით განუგეშოთ?

 

 

 

infonews.ge
paata-2020-11-11_16-42-31_475426

“საქართველოში ვაქცინა, ალბათ, გაზაფხულამდე არ იქნება” – პაატა იმნაძე

კორონავირუსის გავრცელების საწინააღმდეგო ვაქცინაზე, ბოლო პერიოდია, დამაიმედებელი კონტურები გამოიკვეთა. ამ საკითხს დაავადებათა კონტროლის ეროვნული ცენტრის ხელმძღვანელის მოადგილე გამოეხმაურა და თქვა, რომ საქართველო კორონავირუსის ვაქცინას 2021 წლის გაზაფხულამდე არ უნდა ელოდოს.

“ძალიან საიმედო შედეგები აქვს ამერიკულ-გერმანულ ვაქცინას (Pfizer/BioNTech), ასევე მთავრდება კიდევ რამდენიმე კომპანიის ვაქცინის კვლევა. ალბათ, წლის ბოლოსთვის დაიწყება მათი მასობრივი წარმოება. საქართველო არის მონაწილე იმ გლობალური ფონდისა, რომელიც ანაწილებს ვაქცინებს. სხვა ქვეყნების მსგავსად ჩვენს ქვეყანასაც გადახდილი აქვს თანხა წინასწარ. ამ ფონდით შესაძლებელი იქნება ვაქცინების იმ მწარმოებელი ქვეყნების გარეთ დისტრიბუცია.

ხომ გასაგებია, რომ ჯერ თავიანთი ქვეყნებისთვის ექნებათ და მერე დაიწყება მისი განაწილება მსოფლიოში. უკვე რიგში ვართ.. მოდი, ვიყოთ რეალისტები. ალბათ, გაზაფხულამდე არ იქნება”, – თქვა პატა იმნაძემ.

შეგახსნებთ, რამდენიმე დღის წინ ცნობილი გახდა, რომ ამერიკული და გერმანული კომპანიების, Pfizer-ისა და BioNTech-ის ერთობლივმა ვქცინამ კვლევის დასკვნით, მესამე ეტაპზე 90%-იანი ეფექტიანობა აჩვენა.

infonews.ge
korona-2020-11-11_15-22-18_401452

“ვაფრთხილებ, ეს სასიკვდილოა” – თენგიზ ცერცვაძე კორონავირუსზე

ინფექციური საავადმყოფოს დირექტორი იმ ადამიანებს მიმართავს, ვისაც მისი თქმით, კორონავირუსის არ სჯერა. დირექტორის, თენგიზ ცერცვაძის განცხადებით, მოსახლეობის დიდ ნაწილს კოვიდინფექციის არ სჯერა.

ის მოსახლეობას აფრთხილებს, პირველივე სიმპტომების აღმოჩენისთანავე მედიკოსებს მიმართონ.

„მოსახლეობის ძალიან სერიოზულ სეგმენტს არ სჯერა, რომ არსებობს კოვიდინფექცია და მიაჩნიათ, რომ ეს ვიღაცის გამოგონილია, ან რაღაც მიზნით ხდება ამით მანიპულირება. ვაფრთხილებ, ეს სასიკვდილოა.

ისევ მივმართავ იმ პაციენტებს, იმ ავადმყოფებს, მოსახლეობის იმ ნაწილს, რომელმაც შეგნებულად არ მიმართა ექიმს, ან არ ჰქონია მცდელობა, თუ ჰქონდა მცდელობა და ჯანდაცვა ვერ მოემსახურა, ეს ჩვენი პასუხისმგებლობაა, მაგრამ როცა არ მიმართავს ექიმს, სანამ უკიდურესად არ დამძიმდება და პირდაპირ სარეანიმაციო არ ხდება, ეს თვითონ მოსახლეობის და პაციენტის პასუხისმგებლობაა. ფაქტია, რომ ასეთი შემთხვევები სავალალოდ მთავრდება”, – ამბობს ცერცვაძე.

თუმცა სოციალურ ქსელში ხშირად ვრცელდება ინფორმაცია, რომ რეკავენ 112-ში და დაპირების მიუხედავად, შეიძლება დღეები ისე გავიდეს, ოჯახის ექიმმა არ დაურეკოს, ან ტესტს იმავე დღეს არ უკეთებენ და ეუბნებიან, რომ რიგია, ამიტომ მოცდა მოუწევს და ა. შ.

თენგიზ ცერცვაძე ინფიცირებულთა რაოდენობის მოსალოდნელ ზრდაზეც საუბრობს.

“ეპიდემიოლოგები და ამ საქმის სპეციალისტები გვეუბნებიან, პროგნოზი ისეთია, რომ ნოემბრის ბოლომდე შეიძლება ეს მატება გაგრძელდეს და შესაძლოა, 3 000-ს გადასცილდეს ახალი შემთხვევების რიცხვი. ბუნებრივია, ეს ძალიან სერიოზული გამოწვევების წინაშე აყენებს ჯანდაცვის სექტორს და პირველ რიგში, კლინიკურ სექტორს, რამეთუ ავადმყოფების გაზრდილი რაოდენობა არის პირდაპირი დატვირთვა კლინიკური სექტორისთვის”, – აცხადებს ცერცვაძე.

infonews.ge
pompeo

რა მოლოდინები აქვთ ოპოზიციაში მაიკ პომპეოს ვიზიტთან დაკავშირებით

31 ოქტომბრის საპარლამენტო არჩევნების შემდეგ, საქართველოს ამერიკის შეერთებული შტატების სახელმწიფო მდივანი მაიკ პომპეო ეწვევა. საგარეო საქმეთა სამინისტროს ინფორმაციით, საქართველოში პომპეოს ვიზიტი 17-18 ნოემბერს იგეგმება.

 

რა მოლოდინები აქვთ ოპოზიციაში მაიკ პომპეოს ვიზიტთან დაკავშირებით

 

ოპოზიციაში პომპეოს მიერ საქართველოში დაგეგმილ ვიზიტს მნიშვნელოვანს უწოდებენ. “ნაციონალური მოძრაობის” პოლიტიკური საბჭოს ერთ-ერთი წევრის, ზაალ უდუმაშვილის განცხადებით, განსაკუთრებით მნიშვნელოვანია, საპარლამენტო არჩევნების შემდეგ, როგორი გზავნილების იქნება აშშ-ს სახელმწიფო მდივანს.   .

 

„ეს ვიზიტი ძალიან მნიშვნელოვანია, რადგან ასეთი უმაღლესი რანგის ფიგურა საქართველოში კონკრეტული გზავნილებით ჩამოდის. საინტერესო იქნება, როგორი იქნება შეერთებული შტატების გზავნილები, განსაკუთრებით 31 ოქტომბრის არჩევნების შემდეგ.

 

ფაქტია, რომ რეგიონში არსებულ ვითარებასთან ერთად, ის ამ საკითხსაც აქტიურად განიხილავს და შესაბამისად, ძალიან მნიშვნელოვანი იქნება მთელი საზოგადოებისთვის მისი პოზიცია არჩევნებთან დაკავშირებით. ჩვენი ქვეყანა არის პოლიტიკურ კრიზისში შესული და შესაბამისად, მაიკ პომპეოს გზავნილებს ჩვენც ველოდებთ ძალიან ყურადღებით“,- განაცხადა უდუმაშვილმა “პრაიმტაიმთან“.

 

პომპეოს ვიზიტს „პრაიმტაიმთან“ გამოეხმაურა „სტრატეგია აღმაშენებლის“ ერთ-ერთი ლიდერი თაკო ჩარკვიანიც. როგორც მან აღნიშნა, სახელმწიფო მდივნის ვიზიტი საქართველოზე დადებითად აისახება.

 

„მე ყოველთვის დადებითად აღვიქვამდი ასეთ ფაქტებს. ნეტა, საქართველოს ეს რვა წელი არ დაეკარგა და მუდმივად გვეფიქრა იმაზე, რომ დასავლეთის სრულფასოვანი წევრები გავხდეთ. ამას არ ვპატიობ ჩვენს ხელისუფლებას, რომ ეს რამდენჯერმე თქვა და პრაქტიკაში ვერ კი არა, არ განახორციელა.

 

საქართველო ახლა ყურადღების ცენტრში მოექცევა, რაც ძალიან კარგია. სააკაშვილის დროს ვიყავით ნამდვილად სამართლებრივი სისტემის გამო, ოპოზიციაში, მაგრამ სადაც მივდიოდი ხოლმე, ვხვდებოდი, რომ სახელმწიფო ვიყავთ.

 

ახლა მაჩანჩალად გვაქცია ამ კაცმა. ამდენად, ნებისმიერი მასშტაბური ვიზიტი საქართველოსთვის მხოლოდ კარგის მომტანია. ბუნებრივია, რომ ოპოზიცია პომპეოს ვიზიტის ფაქტს ქვეყნისთვის კეთილდღეობისთვის გამოვიყენებთ“,-განაცხადა ჩარკვიანმა

 

დახვდება თუ არა ოპოზიცია პომპეოს საპროტესტო აქციით

 

მაიკ პომპეოს საქართველოში დაგეგმილ ვიზიტს უკვე გამოემხაურა საქართველოს ყოფილი პრეზიდენტი მიხეილ სააკაშვილიც.

 

“საქართველოში არჩევნები არის გაყალბებული, ამ გაყალბებულ არჩევნებს ქართველმა ხალხმა მასობრივი მობილიზაციით უნდა უპასუხოს. მათ შორის, თუ პომპეო ჩამოდის, იმ დღესაც უნდა იყოს ხალხის მასობრივი მობილიზაცია. მე ასე გავაკეთებდი, რათა მსოფლიომ დაინახოს, რომ ქართველი ერი დასაჩაგრი ერი არ არის”, – განაცხადა მიხეილ სააკაშვილმა.

 

მიხეილ სააკაშვილისგან განსხვავებით, პომპეოს ვიზიტისას საპროტესტო აქციების გამართვის იდეას არ ეთანხმება “სტრატეგია აღმაშენებლის” ლიდერი გიორგი ვაშაძე.

 

„არავინ აპირებს, რომ მაიკ პომპეოს აქციით დახვდეს, რა სისულელეა, შეიძლება, რაღაც სიმბოლური ღონისძიება გვქონდეს ჩვენი პოზიციის დაფიქსირების, რაც აბსოლუტურად ჯდება ყველა ფარგლებში. ჩვენი ამერიკელი პარტნიორების ნებისმიერი მხარდაჭერა ჩვენთვის ძალიან მნიშვნელოვანია“,- განაცხადა გიორგი ვაშაძემ.

 

 

რას ამბობს მაიკ პომპეოს ვიზიტთან დაკავშირებით, აშშ-ს სახელმწიფო დეპარტამენტი

 

როგორც განცხადებაშია აღნიშნული, მაიკ პომპეო საქართველოს სუვერენიტეტსა და ტერიტორიულ მთლიანობას მხარდაჭერას კიდევ ერთხელ გამოუცხადებს და ხელისუფლებას დემოკრატიული რეფორმების განხორციელების კუთხით, პროგრესისკენ მოუწოდებს.

 

„თბილისში მაიკ პომპეო შეხვდება საქართველოს პრეზიდენტ სალომე ზურაბიშვილს, პრემიერ-მინისტრ გიორგი გახარიასა და საგარეო საქმეთა მინისტრ დავით ზალკალიანს, რათა გამოხატოს ჩვენი მხარდაჭერა საქართველოს სუვერენიტეტისა და ტერიტორიული მთლიანობისადმი და მოუწოდოს დემოკრატიული რეფორმების კუთხით შემდგომი პროგრესის მიღწევისკენ. სახელმწიფო მდივანი ასევე შეხვდება საქართველოს კათოლიკოს-პატრიარქს, ილია მეორეს“, – აღნიშნულია განცხადებაში.

 

ინფორმაციისთვის, აშშ-ს სახელმწიფო დეპარტამანტის მდივანი საქართველოს გარდა, 13- 23 ნოემბერს საფრანგეთს, თურქეთს, ისრაელს, არაბთა გაერთიანებულ საამიროებს, კატარსა და საუდის არაბეთს ეწვევა.

 

ავტორი: ეკატერინე ზარნაძე

primetime

infonews.ge
fauchi

ვაქცინა ფართო მასებისთვის ხელმისაწვდომი გახდება – ფაუჩი თარიღს ასახელებს

აშშ-ის ალერგიისა და ინფექციური დაავადებების ეროვნული ინსტიტუტის ხელმძღვანელი ენტონი ფაუჩი აცხადებს, რომ კორონავირუსის საწინააღმდეგო ვაქცინა რისკჯგუფებისთვის ხელმისაწვდომი სავარაუდოდ, ნოემბრის ბოლოდან ან დეკემბრის დასაწყისიდან იქნება, ფართო მოხმარებისთვის კი ხელმისაწვდომი, მისი აზრით, 2021 წლის აპრილისთვის იქნება.

 

„ცხადია, ჩვენ მონაცემები დეტალურად უნდა შევისწავლოთ, თუმცა ეს მაღალი რეპუტაციის მქონე კომპანიაა, რომელსაც ამ მიმართულებით მუშაობის დიდი გამოცდილება აქვს. ჯერ კიდევ არსებობს კითხვები ეფექტის ხანგრძლივობასთან დაკავშირებით, რამდენად ეფექტიანი იქნება ის ასაკოვან ადამიანებში ახალგაზრდებთან შედარებით, მაგრამ, საბოლოო ჯამში, ეს არის ვაქცინა, რომელიც 90%-ით ეფექტიანია.

 

ამასთან, ეს არ არის ერთადერთი კომპანია, რომელიც ამ ტიპის ვაქცინაზე მუშაობს. მოდერნაც მუშაობს იდენტურ თუ არა, ძალიან მსგავს პრეპარატზე და მალე მისი ტესტირების შედეგებიც გახდება ცნობილი. შესაბამისად, მოსალოდნელია, რომ მალე ერთზე მეტი ეფექტიანი ვაქცინა გვექნება.

 

ამჟამად ვიცით, რომ კომპანია ვაქცინის დამტკიცებას, სავარაუდოდ, დაჩქარებული წესით მოითხოვს. სიმართლე გითხრათ, ამაში დარწმუნებული ვარ და თუ ყველაფერი კარგად წარიმართა, ხალხი ვაქცინის მიღებას უკვე ნოემბრის ბოლოდან ან დეკემბრის დასაწყისიდან შეძლებს, ალბათ უფრო დეკემბრიდან. ჩვენ ვაქცინის უსაფრთხოების მიმართულებით ყველა დეტალი ხელახლა უნდა გავიაროთ, თუმცა, ვვარაუდობ, რომ ის ხელმისაწვდომი წლის ბოლომდე იქნება” – ამბობს ფაუჩი CNN-თან საუბარში.

infonews.ge
kordzaia_0

დაკარგული და ნაგავში ნაპოვნი სპეც სია-კორძაიას მორიგი განცხადება დარღვევებზე და უზუსტობებზე

თამარ კორძაია სამაგიდო სიების გახსნას ითხოვს. ენმ-ძალა ერთობაშიას წევრი ამბობს, რომ მხოლოდ ამის შემდეგ გახდება ცნობილი რეალური სურათი და კიდევ ერთხელ დადასტურდება რომ არჩევნები საქართველოში ტოტალურად გაყალბდა.

კორძაიამ დღეს საარჩევნო დარღვევებზე ისაუბრა და დიდუბისა და წყალტუბოს საოლქო კომისიების გადაწყვეტილებებზე გააკეთა განცხადება.

კორძაია ამბობს, რომ დიდუბის ოლქში დაიკარგა სპეც სია, რომელიც კომისიის წევრებმა შემდეგ ნაგავში აღმოაჩინეს, წყალტუბოში კი ხელმოწერები და ამოღებული ბიულეტენების რაოდენობა ერთმანეთს არ დაემთხვა.

გუშინ უკვე ორმა საოლქო საარჩევნო კომისიამ  კვლავ სრულიად უკანონოდ მიიღო გადაწყვეტილება ოქმების შესწორებისა და ოქმებში ცვლილებების გადაკეთების თაობაზე.

ეს ეხება დიდუბის საოლქო საარჩევნო კომისიას და ასევე წყალტუბოს საარჩევნო კომისიების გადაწყვეტილებას. კიდევ ერთხელ მოვუწოდებ ცენტრალურ საარჩევნო კომისიას, რომ შეწყვიტონ ყოველდღიურ რეჟიმში კანონს ამოფარებით, ოქმების გაყალბება. ორივე ეს გადაწყვეტილება ჩვენ უკვე გასაჩივრებული გვაქვს სასამართლოში და, რა თქმა უნდა, პრაქტიკა გვიჩვენებს, რომ სასამართლოს არანაირი იმედი არ უნდა გვქონდეს

დიდუბის ოლქში აღმოჩნდა რომ სპეცსია იყო დაკარგული, სპეცსია არ უპოვიათ ისე შეიყვანეს მონაცემები შემაჯამებელ ოქმში და მერე ახსნა-განმარტება დააკისრეს რომელიღაცა კომისიის წევრს, რომელმაც თქვა, რომ ნაგავში იპოვა სპეციალური სია…

ანალოგიური შემთხვევა წყალტუბოში, სადაც ხელმოწერების რაოდენობა იყო 463 ხოლო ამოსული ბიულეტენები იყო 46, იქაც ყოველგვარი სიების გადათვლის გარეშე საოლქო საარჩევნო კომისიამ ,მიიღო შესწორების ოქმი და ფორმალურად გაასწორა ოქმი, რა თქმა უნდა ,ესეც გასაჩივრებულია- ამბობს კორძაია.

კორძაიას თქმით საოლქოების გადაწყვეტილებები სასამართლოშია გასაჩივრებული, თუმცა აქვე აღნიშნავს, რომ სამართლიანი სასამართლოს მოლოდინი არ აქვს და მოსამართლეებსაც მიმართავს.

ენმ- ძალა ერთობაშიას წევრი ამბობს, რომ დაასახელებს ყველა იმ მოსამართლის ვინაობას, რომელიც ხელს უწყობს ცესკო-ს უკანონო გადაწყვეტების გაფორმებაში.

ყველა ეს ღონისძიება არის კანონდარღვევა და შეუძლებელი იქნება სიმართლის დადგენა, სანამ ცენტრალური საარჩევნო კომისია და ხელისუფლება არ მიიღებს გადაწყვეტილებას, რომ სამაგიდო სიები, რომელსაც იცავს პერსონალური მონაცემებს ამოფარების მოტივით, არ გაიხსნება. აი იქ უკვე ნამდვილად დამტკიცდება რომ ტოტალურად არის გაყალბებული არჩევნები. დაიწყეთ სამაგიდო სიების გახსნა თუ გინდათ რომ სიმართლე უთხრათ საქართველოს ამომრჩეველს.

თამარ კორძაია პლატფორმა 2020-ის შემაჯამებელ ანგარიშსაც გამოეხმაურა, რომელიც ბოლნისს ეხება. დასკვნაში საუბარია, რომ ბოლნისში დაკმვირვებლებს საარჩევნო კომისიის წევრები საარჩევნო პროცესზე დაკვირვების საშუალებას არ აძლევდნენ და ხელს უშლიდნენ.

ამ ორგანიზაციის დასკვნითაც, ისევე როგორც ჩვენი ბლოკის დასკვნით, 92%-ს დამკვირვებლების არ ეძლეოდა სათანადო დაკვირვების შესაძლებლობა, 50% საარჩევნო კომისიის წარმომადგენლების ხელს უშლიდნენ საქმიანობაში – ამბობს თამარ კორძაია.

infonews.ge
53471b04-acab-47cd-b462-77f298e8038a

იტალიაში კორონავირუსის შემთხვევების რიცხვმა მილიონს გადააჭარბა

იტალიის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 32 961 ახალი შემთხვევა დადასტურდა, ხოლო 623 ადამიანი გარდაიცვალა.

პანდემიის დაწყებიდან დღემდე იტალიაში კორონავირუსის 1 028 424 შემთხვევა დადასტურდა, 42 953 ადამიანი გარდაიცვალა, ხოლო 372 ათასზე მეტი პაციენტი გამოჯანმრთელდა.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

infonews.ge
1544018678_48946

პლა­ნე­ტის მო­სახ­ლე­ო­ბის დნმ 99,9%-ით ერ­თნა­ი­რია, მხო­ლოდ 0,1% არის უნი­კა­ლუ­რი

დეზოქსირიბონუკლეინის მჟავა (დნმ) – შეიცავს ინფორმაციას რნმ-ისა და ცილების სხვადასხვა ტიპის სტრუქტურების შესახებ. იგი ე.წ. „მონაცემთა ბაზაა“, რომელიც უზრუნველყოფს ორგანიზმების განვითარებისა და ფუნქციონირების გენეტიკური პროგრამის შენახვას, თაობიდან თაობაზე გადაცემასა და რეალიზებას. დნმ-ის შესახებ სამყარომ 1868 წელს შეიტყო, უმნიშვნელოვანესი აღმოჩენა იოჰან ფრიდრიხ მიშერმა გააკეთა. აღმოჩენიდან თითქმის 100 წლის შემდეგ ორმა მეცნიერმა დაადგინა, რომ დნმ ორი სპირალისგან შედგება. ეს მეცნიერები ფრენსის კრიკი და ჯეიმს უოტსონი იყვნენ.

დნმ

დნმ

გთავაზობთ საინტერესო ფაქტებს დნმ-ს შესახებ:

  • ძა­ლი­ან იშ­ვი­თად ჩნდე­ბი­ან ადა­მი­­ნე­ბირო­მელ­თაც ერ­თის ნაც­ვლად, 2 დნმ აქვთასეთ ადა­მი­­ნებს ქი­მე­რებს უწო­დე­ბენმათ ორ­გა­ნიზ­მში ორ­გა­ნო­ებს სხვა­დას­ხვა დნმ აქვთ.
  • ადა­მი­­ნის დნმ 80 000 გენს შე­­ცავსრო­მელ­თა­გან 200 ბაქ­ტე­რი­ის­გან გვაქვს გად­მო­ცე­მუ­ლი.
  • ჩვენ 50%-ით ბა­ნა­ნე­ბი ვართჩვე­ნი დნმ ასა­კისსქე­სისრა­სის და კი­დევ სხვა უამ­რა­ვი ფაქ­ტო­რე­ბის მი­­ხე­და­ვად, 30%-ით სა­ლა­თის ფოთ­ლე­ბის და 50%-ით ბა­ნა­ნის იდენ­ტუ­რია.
  • ადა­მი­­ნის გე­ნე­ტი­კურ კოდს 2 მნიშ­ვნე­ლო­ბა აქვსადრე ით­ვლე­ბო­დარომ მნიშ­ვნე­ლო­ბა მხო­ლოდ ერ­თიამაგ­რამ ამე­რი­კელ­მა მეც­ნი­ერ­მა ჯონ სტა­მა­ტო­­­ნო­პო­ლუს­მა სა­კუ­თარ გუნდთან ერ­თად მისი მე­­რე მნიშ­ვნე­ლო­ბაც აღ­მო­­ჩი­ნააღ­მო­ჩე­ნა მო­მა­ვალ­ში ხელს შუ­წყობს ექი­მებს.. “გე­ნე­ტი­კუ­რი” მკურ­ნა­ლო­ბის ჩა­ტა­რე­ბა­ში.
  • კოს­მოს­ში არის “უკ­ვდა­ვე­ბის დის­კი“, რო­მელ­შიც გა­მო­ჩე­ნი­ლი ადა­მი­­ნე­ბის ციფ­რუ­ლი დნმ ინა­ხე­ბა.
  • ადა­მი­ანს 2 ქრო­მო­სო­მით ნაკ­ლე­ბი აქვსვიდ­რე შიმ­პან­ზეს.
  • პლა­ნე­ტის მთე­ლი მო­სახ­ლე­­ბის დნმ 99,9%-ით ერ­თნა­­რიამხო­ლოდ დარ­ჩე­ნი­ლი 0,1% არის უნი­კა­ლუ­რი და სწო­რედ ის გა­ნა­პი­რო­ბებს ჩვენს ინ­დი­ვი­დუ­­ლიზმს.
დნმ

დნმ

რა ვიცით ქართველი ხალხის გენეტიკაზე?

5 000 წელი ჩვენს წელთაღრიცხვამდე – ქართველთა დნმ-ის კვლევის პასუხები.

ქართველი ხალხი არის შუმერულქალდეური წარმოშობის… უძველესი ცივილიზაციებისურარტუსა და ქალდების გენეტიკური მემკვიდრე

დავა მეგრულსვანურის ენადიალექტობაზე გადაწყვეტილად უნდა ჩაითვალოს.

ჩეჩენინგუშები და თუშხევსურებიასევე ჩერქეზები და სვანები იმდენად ახლობელი არიან დნმის თვალსაზრისითრომ უტყუარია – ჩვენ ერთი რასა ვართ.

ქართველთა დნმ-ის შესწავლა ერთ-ერთი ყველაზე საინტერესო და რეზონანსული თემაა. საზოგადოებას აინტერესებს რა შედეგამდე მივყავართ ამ კვლევას. დნმ-ის კვლევა გვაძლევს უტყუარ ისტორიულ სურათს, სად და რა ეპოქაში დაიწყო იმ ხალხის განვითარება, ვისგანაც შემდეგ ქართველი ერიჩამოყალიბდა… საქმე ეხება ჩვენს წელთაღრიცხვამდე 5000 წლის წინანდელ ისტორიას.

გიორგი ანდრიაძეკავკასიელი ხალხების ეთნოგენეზისის სამეცნიეროკვლევითი ცენტრის დირექტორიმეცნიერებათა აკადემიის ეთნოგენეტიკური კომისიის წევრი:

– ეთნოგენეტიკური კვლევა საშუალებას გვაძლევს მაქსიმალური სიზუსტით დავადასტუროთ ჩვენი განვითარების სქემა… შეიძლება ითქვას, რომ პირველადი სურათი ნათელია: ქართველ ადამიანში დომინანტურია J2 და G2

ჰაპლოჯგუფები. ისინი თანაბარი პროპორციით არიან განაწილებული დასავლეთ და აღმოსავლეთ საქართველოს ბარის მოსახლეობაში. მსოფლიო მეცნიერები ერთხმად აღიარებენ, რომ J2 და G2 ჰაპლოჯგუფების წარმოშობის ადგილია ვანის ტბის მიდამოები და შუამდინარეთის ზემო წელიასევე ზაგროსის მთების რეგიონიკვლევის შედეგები ადასტურებს ჰიპოთეზასრომ ქართველები არიან უძველესი ცივილიზაციებისურარტუსა და ქალდების გენეტიკური მემკვიდრეებირომლებიც უწინ ფართო არეალზე იყვნენ განსახლებული.

დნმ

დნმ

დნმ-ს გენეტიკურ მასალას კოსმოსში ფრენისა და უკან, დედამიწის ატმოსფეროშიშემოსვლის გადატანა შეუძლია. ეს ექსპერიმენტი რაკეტა TEXUS-49-ას დახმარებით ციურიხის უნივერსიტეტის მეცნიერთა ჯგუფმა ჩაატარა.

უკვე ვიცით, რომ დნმ კოდის მატარებელია, რომელიც ყველანაირი სიცოცხლის ქიმიას მართავს, ხოლო დნმ-ს ორმაგი სპირალი კი ერთ-ერთი ყველაზე ცობილი მეცნიერული სიმბოლო. დნმ-ს აღმოჩნა, როგორც ყველა დიდი აღმოჩენა, არ არის ერთი გენიოსის შრომის შედეგი, არამედ უამრავი ესქპერიმენტული ნამუშევრების ჯაჭვის გვირგვინია.

ნინი ასანიძე

4u.ge

infonews.ge
https___api.thedrive.com_wp-content_uploads_2019_05_das24v

С-400 უძლური იქნება NATO-ს რაკეტების მასირებული შეტევის მოსაგერიებლად


ამერიკულმა გამომცემლობამ ინტერვიუ ჩამოართვა რუსეთის ფედერაციის პოლიტიკისა და სამხედრო ანალიზის ინსტიტუტის დირექტორის მოადგილეს ალექსანდრე ხრამჩიხინს. სამხედრო ექსპერტმა ახსნა თუ როგორ შეუძლია NATO-ს გაარღვიოს რუსეთის რაკეტსაწინააღმდეგო თავდაცვითი ხაზები სადაც გამოიყენება სისტემები  С-400, “Тор”, “Панцир” და სხვა კომპლექსები

მისი თქმით აშშ-ს შეუძლია წამოიწყოს მასირებული შეტევა ფრთოსანი რაკეტებით  “Tomahawk” და რაკეტებით Joint Air-to-Surface Standoff Missiles (JASSM), მათ წინააღმდეგ რუსეთის ჰაერსაწინააღმდეგო თავდაცვა უძლური აღმოჩნდება. თეორიულად ამ კომპლექსებს შეუძლიათ რაკეტების ჩამოგდება,მაგრამ სისტემებს არ გააჩნია სროლის ისეთი სისწრაფე რომ ყველა რაკეტის ჩამოყრა მოახერხოს.

“ბრძოლის ავტომატურ რეჟიმში წარმოების დროს С-300П და С-400 საბრძოლო ალგორითმები ითვალისწინებს ერთი სამიზნის წინააღმდეგ 2 რაკეტის გამოყენებას. ხელით მართვის რეჟიმშია მხოლოდ შესაძლებელი  “ერთი რაკეტა-ერთი მიზნის წინააღმდეგ”, – აღნიშნა ხრამჩიხინმა.

მისი თქმით, 64 რაკეტა საუკეთესო შემთხვევაში ჩამოაგდებს 64 რაკეტას(უფრო რალურად რომ შევხედოთ მაქსიმუმ 32 რაკეტას). ამასთან ერთი დანადგარის  გადატენის იდეალური სტანდარტია  53 წუთი, რაც იმას ნიშნავს რომ შემდეგი სამიზნის ჩამოსაგდებად კომპლექსი მხოლოდ ერთი საათის შემდეგ იქნება მზად. ბრძოლის პირობებში შეიძლება ითქვას რომ ეს ძალზედ დიდი დროა.

arma.ge

infonews.ge
0404-X37-launch-Pentagon

იერიში კოსმოსიდან: რით ემუქრება Boeing X-37 რუსეთს

როდესაც ივნისში შევეცადე მეთვალთვალა მისთვის ის არ შეესაბამებოდა პროგნოზირებად ტრაექტორიას და დროს. აღმოჩნდა რომ ის მანეევრირებდა სხვა ორბიტაზე.

საინტერესოა რას წარმოადგენ სინამდვილეში  Boeing X-37 ?

ვიზუალურად აპარატი ძალზედ წააგავს საყოველთაოდ ცნობილი  «შატლს»-ოღონდ მინიატურულ ზომებში. NASA-ს ხაზით უპილოტოს შემუშავება დაიწყო 1999 წელს. მაგრამ 2004 წელს პროექტი გადაეცა  DARPA-ს, მას შემდეგ ინფორმაცია ამ აპარატის შესახებ ძალზედ მზირე დოზით ვრცელდებაз.

ცნობილია რომ,კოსმოსურ აპარატს შეუძლია მაღალი მანევრულობით  დამოუკიდებლად იმოქმედოს  200 დან 750 კილომეტრის სიმაღლეზე,რაც აღნიშნა კიდეც ასტრონომმა რალფ ვანდებერგმა. ორბიტაზე ავტონომიურ რეჟიმში აპარატის ყოფნის ხანგრძლივობა გამუდმებით იზრდება. თავდაპირველად ის გაგრძელდა  224 დღე, მეოთხე გაფრენისას – 718 დღე, ხოლო ამჟამინდელი კი 660 დღეა რაც ორბიტაზე იმყოფება,და არაა გამორიცხული რომ მან მოხსნას წინა რეკორდი.

როგორც სხვადასხვა ქვეყნების სამხედრო ექსპერტები თვლიან,აპარატი გამოიყენება სადაზვერვო ინფორმაციის შესაგროვებლად. ნაწილობრივ ეს დასტურდება იმითაც რომ Boeing X-37 დიდ დროს ატარებს ირანის,ერაყის,პაკისტანის,აფრიკისა და სამხრეთ აღმოსავლეთ აზიის ქვეყნების თავზე.აქვე უნდა აღინიშნოს რომ ორბიტალურ აპარატს კოსმოსური თანამგზავრებისაგან განსხვავებით შეუძლია ორბიტაზე გაიტანოს გარკვეული ზომის ტვირთები,ასევე მას შეუძლია ატაროს შეიარაღება,კერძოდ ლაზერული იარაღი.

არსებობს ვარაუდი რომ  Boeing X-37 უნდა გახდეს ამერიკელების პოლიტიკის ინსტრუმენტი კოსმოსურ სივრცეში. 2006 წელს მიღებულ იქნა  «აშშ-ს ნაციონალური კოსმოსური პოლიტიკა», რაც ვაშინგტონს აძლევს უფლებას გაავრცელოს საკუთარი სუვერენიტეტი დედამიწის სიახოვეს მდებარე კოსმოსურ სივრცეზე. ექსპერტების ვარაუდით აპარატს შეუძლია ლაზერული იარაღით გაანადგუროს ან მწყობრიდან გამოიყვანოს მოწინააღმდეგე მხარის თანამგზავრები და ერბიტალური სადგურები.

მისი გამოყენების კიდევ ერთი შესაძლებლობა არსებობს.არსებობს ვარაუდი რომ აპარატს დიდი ალბათობით  შეუძლია ატაროს ბირთვული შეიარაღება.სადღეისოდ არსებული ნებისმიერი ჰაერსაწინააღმდეგო სისტემა უძლურია კოსმოსიდან მიტანილი იერიშის მოსაგერიებლად.რუსი ექსპერტები შიშობენ რომ ,არ არსებობს გარანტია იმისა რომ  Boeing X-37 პიკირებას არ მოახდენს მოსკოვის ან პეკინის თავზე. სადღეისოდ ამერიკელებს გააჩნია 2 სახეობის აპარატი რომლებსაც თავისუფლად შეუძლიათ შეასრულონ «კამიკაძეების» როლი.

arma.ge

infonews.ge
850_d_850

პროექტი “საქართველო 2020” – რუსეთის ГРУ-ს გასაიდუმლოებული დოკუმენტი – საქართველოს ღალატის შემსრულებლები და განმახორციელებლები (ჩამონათვალი, სახელი, გვარები)

“მთავარ არხს” ანონიმურმა წყარომ რუსეთის სადაზვერვო სამსახურის (ГРУ) გასაიდუმოებული დოკუმენტი მიაწოდა, სადაც გაწერილია დეტალური გეგმა, როგორ უნდა გააქტიურდეს წინასაარჩევნოდ ქვეყანაში ანტიდასავლური და პრორუსული განწყობები.

დოკუმენტი გრიფით საიდუმლოა და ის შინაარსით ოპერატიულ მოხსენებას წარმოადგენს. დოკუმენტი 2017 წლის დეკემბრით თარიღდება და მისი სახელწოდებაა “პროექტი საქართველო 2020”.

ანგარიშში საუბარია იმაზე, თუ როგორ უნდა მოხდეს საქართველოში სხვადასხვა მეთოდებით პრორუსული განწყობების გაღვივება და პოლიტიკურ ცხოვრებაში ღიად თუ ფარულად პრორუსული ძალების გააქტიურება. 

ეს ანგარიში საერთაშორისო სადაზვერვო სამსახურების მიერაა მოპოვებული და მაღალი ალბათობით ის ახლა უშიშროების სამსახურის მაღალჩინოსნებთანაც მოხვდა.

აღსანიშნავია ისიც, რომ ანგარიშში პირდაპირაა დასახელებული დავით გარეჯის საქმე და აღნიშნულია, რომ ეს საზოგადოებისთვის მტკივნეული თემა იქნება და ულტრამემარჯვენე, ულტრარადიკალური და ანტიდასავლური განწყობების გაღვივებას გამოიწვევს.

“არჩევნებისთვის პოლიტტექნოლოგიურად მომგებიანი იქნება აიწიოს კონკრეტული, საზოგადოებისთვის მტკივნეული თემა (2012 წლის არჩევნების ეფექტი) უნდა მოხდეს ამ თემის გადაწყობა კონკრეტული სამიზნე აუდიტორიისთვის და საჭირო გზავნილების გავრცელება ნებისმიერი ეფექტური გზით. (აუცილებლობის შემთხვევაში ჩაერთოს აქტიური ღონისძიებების სხვა ინსტრუმენტებიც) სავარაუდო თემებია: თურქული ოკუპაცია, ოკუპაცია აზერბაიჯანის მხრიდან – გარეჯი, ასევე, დამატებითი ტერიტორიების დაკარგვის საფრთხე საქართველოს ნატოსა და ევროკავშირში ინტეგრაციის შემთხვევაში”, – წერია დოკუმენტში.

ჩვენ მიერ მოპოვებულ დოკუმენტში გაშიფრულია ის ადმიანები, რომელთა გამოყენებაც პოეტენციურად რუსულ სპეცსამსახურებს შეუძლიათ. ჩამონათვალში მოხვდნენ ის სასულიერო პირები, რომლებიც დავით გარეჯის საქმეში “ბრალმდებლები” არიან. სიაშია ბიზნესმენი დავით ხიდაშელიც, რომელიც “ოქროს მოწმედ” ითვლება. 

“ადგილობრივი პოლიტ-ელიტა, რომელიც ფარულად მხარს გვიჭერს, მაგრამ არ შეუძლია ამის ღიად განცხადება, თუმცა შეუძლია რეალური გავლენა მოახდინოს პოლიტიკურ პროცესებზე და ბიძინა ივანიშვილის ნაბიჯებზე, ამ მიმართუელბით, რეკომენდირებულია გავააქტიუროთ უკვე არსებული ოპერატიული არხები: ლაშა ნაცვლიშვილი, ოთარ ფარცხალაძე, ვახტანგ გომელაური, იოსებ გოგაშვილი, გრიგოლ ლილუაშვილი, კახა კახიშვილი, ირაკლი ღარიბაშვილი ( მიუხედავად დაკარგული პოზიციებისა) გიორგი ვოლსკი, ზურაბ აბაშიძე, დავით საგანელიძე. 

ოპერატიული შენიშვნა: უსაფრთხო–ოპერატიული კავშირის დასამყარებლად მიჰყევით “ცენტრის მკაცრ” მითითებებს “, – აღნიშნულია დოკუმენტში.

მმართველმა გუნდის რიტორია ამ თემასთან დაკავშირებით ერთგვაროვანი იყო და ისინი თავს “მთავარ არხს” ესხმიან.

“რუსული მედია, გლავკანალი მეკითხება, რუსულ წყაროებზე. რუსული თემა გადის თქვენი ტელევიზიის ხაზზე და დღეს ეს ხალხი რუსულ ნარატივზე ლაპარაკობს. დავით გარეჯა ჩააბარეს და დღეს რუსულ ნარატივზე ესაუბრებიან ვიღაცას”, – ასე ეხმაურება გია ვოლკსი ГРУ-ს გასაიდუმოებულ დოკუმენტს, სადაც თავადც არის დასახელებული.

მმართველი პარტიის ერთ-ერთი ლიდერის, მამუკა მდინარაძის თქმით, წყარო თვითონ “მთავარმა არხმა” შემქნა. 

მიხეილ სესიაშვილი

infonews.ge
07688ea8b02b

“2020 საქართველო” – კრემლში სამი წლის წინ შემუშავებული არეულობის გეგმა საარჩევნოდ გააქტიურდა

კრემლში ჯერ კიდევ სამი წლის წინ შემუშავებულ საიდუმლო დოკუმენტს “საქართველო 2020” -ს პოლიტიკოსები აფასებენ, თუმცა, მმართველ პარტიაში ამ კუთხითაც არ აქტიურობენ.

სხვათა შორიოს, 2008 წელს რუსეთ-საქართველოს ომიც რომ წინასწარ იყო დაგეგმილი, ამის შესახებ ვლადიმირ პუტინმა მაშინ აღიარა, როცა თბილისში, ხელიასუფლებაში ახალმოსული ივანიშვილი და მიასი ხელდასხმულები ომის დაწყებას მიხეილ სააკაშვილს აბრალებდნენ. 

აღსანიშნავია, რომ კრემლის ანგარიშში აღწერილ გეგმას საქართველოსთან მიმართებაში, რომელიც 2017 წელს დაიწერა, ოცნების ხელისუფლება ფეხდაფეხ მიჰყვება. 

ოპოპზიცია ანგარიშში დასახელებულ კონკრეტულ ადამიანებზე კეთებს აქცენტს. 

ანგარიშში არიან ადამიანები, რომლებსაც ვითომ საქართველოს საზღვრებზე შესტკივათ გული და იქ მიდიან, სინამდვილეში კი მათი ეს ნაბიჯები სამი წლის წინ იყო გათვლილი,- ამბობს გიორგი ბარამიძე.

სერგი კაპანაძე კი ხაზს უსვამს, რომ კრემლის ანგარიშში ხელისუფლების ვერტიკალის წარმომადგენლები არიან დასახელებული:

ანგარიშში, რომელიც სამი წლის წინ შემუშავდა, ხელისუფლების ვერტიკალია ნახსენები, მათ შორის, შინაგან საქმეთა მინისტრი და კიდევ სხვა მინისტრები, – ამბობს კაპანაძე.

მართალია, ანგარიშში მოხსენიებული სახელისუფლებო და სასულიერო წრეების წარმომადგენლები იქ თავიანთი ვინაობის დასახელებას “ბოდვას” უწოდებენ, მაგრამ ფაქტი ფაქტად რჩება, რომ ქართული ოცნების ყველა ნაბიჯი, რომელიც პარტიამ 2017 წლის შემდეგ გადადგა, პრაქტიკულად ემთხვევა კრემლის დაგეგმილს.

თათია წოწონავა

infonews.ge
gareji-rusetti

გარეჯის თემით მანიპულირება კრემლში სამი წლით ადრე დაიგეგმა – გრუ-ს კაბინეტებში შემუშავებული გეგმის დეტალები

ოპერატიული ანგარიში, რომელიც მთავარ არხს ანონიმურმა წყარომ მიაწოდა, სავარაუდოდ გრუ-ს კაბინეტებში 2017 წლის დეკემბერშია დაწერილი. დოკუმენტს კონფიდენციალური გრიფი ადევს და მისი ადრესატი რუსეთის გენერალური შტაბი უნდა იყოს. როგორ მოიპოვეს  ეს ფურცლები დასავლურმა სპეცსამსახურებმა — ჩვენთვის უცნობია.  იმ 11 გვერდზე კი, რომელიც ჩვენთვის ხელმისაწვდომი აღმოჩნდა, განხილულია პროექტი – საქართველო 2020 — უფრო კონრკეტულად  კი როგორ უნდა გაძლიერდეს საქართველოში პრორუსული რიტორიკა და როგორ უნდა წამოწიონ წინ ის პოლიტიკური ძალები, რომლებიც ღიად ან ფარულად დაუჭერენ მხარს ქვეყანაში პრორუსული პოლიტიკის გატარებას. 

როგორც ჩანს, გარეჯის საქმე ერთერთი ის მტკივნეული თემაა, რომლითაც კრემლი საზოგადოებაში რადიკალური პატრიოტიზმის  გაღვივებას და ამომრჩევლის მანიპულირებას ჯერ კიდევ 3 წლის წინ გეგმავდა. იმავე ფურცლებზე ვხვდებით ადამაინებს, რომლებიც მოსკოვში პოტენციურ დასაყრდენად მიაჩნიათ.  იგივე პერსონები კი  მთავარი ბრლამდებლების როლში მოგვევლინენ ე.წ. გარეჯის საქმეში — სადაც კრემლის გეგმის შემრულებელი საქართველოს მთავრობა აღმოჩნდა.

ანგარიშში რამდენჯერმეა ნახსენები საქართველოს ფორმალური მმართველი ბიძინა ივანიშვილი და ნათქვამია, რომ ის ღიად ვერ განაცხადებს თავისი პრორუსული განწყობების შესახებ, ამიტომაც, მოსკოვი ხანდახან უნდა ელოდეს ანტირუსულ განცხადებებსაც კი ოფიციალური თბილისის მხრიდან.

საიდუმლო დოკუმენტში მამა კირიონი ერთერთია იმ დასაყრდენებს შორის, ვინც სასულიოერო პირებიდან ანგარიშშია მოხსენიებული. სიაში ასევე არიან პატრიოტთა ალიანსის ლიდერები, და ასევე ქართული მარშის წევრები – სანდრო ბრეგაძე, ირაკლი შიხიაშვილი და კიდევ რამდენიმე ის პირი ვინც დღეს კიდევ ერთხელ გადმოიტანეს რუსული სცენარი თბილისის ქუჩებში.

ცალკე თავი ეთმობა ბიზნესმენებს, რომლებსაც კრემლი არათუ პოტენციურ პარტნიორებად მიიჩნევს — არამედ მათთან კომუნიკაციის დაფარული არხების გააქტიურებასაც გეგმავს. ანგარიშში ნათქვამია, რომ ეს ადამიანები წარმოამდგენენ ივანიშვილის უახლოეს გარემოცვას და შეუძლიათ გავლენა მოახდინონ მასზე. უჩა მამაცაშვილის და შმაგი კობახიძის გვერდით დასახელებულია ბიზნესმენი დავით ხიდაშელი – რომელმაც ლეგენდის თანახმად რუსეთის სამხედრო არქივებში მოიძია და ჩამოიტანა რუკა — რომელიც ე.წ. გარეჯის საქმეს დაედო საფუძვლად.

მიხეილ სესიაშვილი

infonews.ge
97680614

საქართველო ახლავე უნდა გახდეს ნატო-ს წევრი – გენერალი ბენ ჰოჯესი

ევროპაში აშშ-ის არმიის ყოფილი მთავარსარდლის, გადამდგარი გენერლის ბენ ჰოჯესის განცხადებით, საქართველო ჩრდილოატლანტიკური ალიანსის წევრი ახლავე უნდა გახდეს, რადგან ამისთვის მზად არის, უკრაინა კი ჯერ არა.

ამის შესახებ ბენ ჰოჯესმა კიევში გამართულ უსაფრთხოების ფორუმზე განაცხადა.

“მე მჯერა, რომ საქართველო ახლავე უნდა გახდეს ნატოს წევრი. უკრაინას ცოტა მეტი დრო დასჭირდება”, – თქვა ჰოჯესმა.

მისივე თქმით, მას სჯერა, რომ უკრაინა საბოლოოდ ჩრდილოატლანტიკური ალიანსის წევრი გახდება.

ჰოჯესმა დასძინა, რომ უკრინა “წინ უნდა წავიდეს” და განაგრძოს მცდელობები ნატო-ში ინტეგრაციის გასაძლიერებლად.

გენერალი ბენ ჰოჯესი საქართველოს ნატო-ში ინტეგრაციის აქტიური მხარდამჭერია და ხშირად აკეთებს მსგავსი შინაარსის განცხადებებს.

იხილეთ ბენ ჰოჯესის წარსული გაკეთებული განცხადებები:

საქართველო ალიანსის წევრი უნდა იყოს, ყველაფერი გააკეთა, რაც მოეთხოვებოდა. დასამტკიცებელი არაფერი დარჩა – ბენ ჰოჯესი

ნატომ საქართველო ალიანსში უნდა მიიწვიოს. ოკუპირებული ქვეყნის გაწევრიანების პრეცედენტი არსებობს, ეს გერმანიაა – ბენ ჰოჯესი

infonews.ge