73

მურუსიძე არის პარაზიტი… ხანდახან უცბად გამიელვებს ხოლმე, რომ ასეთი ადამიანები ლინჩის კანონით ხომ არ გავასამართლოთ? – მოლაშვილი

მურუსიძე არის პარაზიტი – ეს განცხადება, თამაზ მოლაშვილმა, ტვ “პირველის” ეთერში გააკეთა. მან მურუსიძის უვადო მოსამართლედ დანიშვნა შეაფასა. მისი თქმით, ზოგჯერ ფიქრობს, რომ საჭიროა მსგავსი მოსამართლეების ლინჩის წესით გასამართლება.

„ეს პიროვნება არ ვიცი ბიძინა ივანიშვილმა შეაქო თუ არ შეაქო ეს არ ვიცი მაგრამ. ცხოვრებაში მურუსიძე არის პარაზიტი.  ადამიანი, როდესაც ხელფასს იღებს, არამი ლუკმა არ უნდა შეიტანოს ოჯახის გამოსაკვებად. მე რატომღაც ასე მგონია, რომ მურუსიძე ერთ მომენტში როდესაც დაწვება დასაძინებლად გაიაზრებს, რომ არაკაცურად იქცევა, არაპროფესიონალურად იქცევა.

ხანდახან უცბად გამიელვებს ხოლმე, რომ ასეთი ადამიანები ლინჩის კანონით ხომ არ გავასამართლოთ? და მოისვენებს ქვეყანა. ბევრნი კი არ არიან. ცოტანი არიან უსამართლობის კორიფეები,“-განაცხადა მოლაშვილმა.

 

infonews.ge
9rrr

ზურაბიშვილი განცხადებას ავრცელებს

სალომე ზურაბიშვილი საქართველოს პირველი პრეზიდენტის, ზვიად გამსახურდიას, გარდაცვალების დაუდგენელი გარემოებების გამოძიების საქმესთან დაკავშირებით განცხადებას ავრცელებს:

,,მივესალმები საქართველოს პარლამენტის გადაწყვეტილებას და ასევე მთავარი პროკურორის მზაობას თავად უხელმძღვანელოს საქართველოს პირველი პრეზიდენტის გარდაცვალების უკვე ათწლეულების მანძილზე დაუდგენელი გარემოებების გამოძიების საქმეს.
იმედს გამოვთქვამ, რომ მთავარი პროკურორის ხელმძღვანელობით გაწეული სამუშაოს შედეგად, პირველი პრეზიდენტის გარდაცვალების გარემოებებს ნათელი მოეფინება და აღდგება ისტორიული სამართლიანობა, რაც ჩვენი ქვეყნის ღირსების საქმეა“, – აღნიშნულია პრეზიდენტის განცხადებაში.

 

infonews.ge
14667db6675e54a05f9cc65358cb99889d_XL

გუნდს რომ ახსენებენ, ეტყობა ჩიტების გუნდზე ლაპარაკობენ – დავით ჭიჭინაძე “ქართულ ოცნებაზე”

კობახიძე და მისი პორტირებულები გუნდს რომ ახსენებენ, ეტყობა ჩიტების გუნდზე ლაპარაკობენ – ეს განცხადება, “პატრიოტთა ალიანსის” წევრმა დავით ჭიჭინაძემ გააკეთა.

ჭიჭინაძე “ქართულ ოცნებაში” არსებულ დაპირისპირებას გამეოხმაურა.

ყოფილ თანაგუნდელებზე საუბრიბრისას ჭიჭინაძე ამბობს, რომ “ქართული ოცნება” ორად გაიყო, რაც იურიდიული კომიტეტის თავმჯდომარის თანამდებობიდან გადადგომამაც დაადასტურა.

“პატრიოტთა ალიანსის” წევრის დავით ჭიჭინაძის განცხადებით, „ქართული ოცნება“ საკონსტიტუციო უმრავლესობას ვერ შეინარჩუნებს, რადგან მმართველ გუნდში ერთიანობა აღარ არსებობს. ჭიჭინაძე ამბობს, რომ როცა პარლამენტის თავმჯდომარე გუნდზე ლაპარაკობს, ის ალბათ ჩიტების გუნდს გულისხმობს.

იურიდიული კომიტეტის თავმჯდომარემ თანამდებობიდან გადადგომის შესახებ განცხადება გუშინ გააკეთა. ეკა ბესელიამ გადაწყვეტილების მიზეზად უზენაესი სასამართლოს მოსამართლეთა სია დაასახელა, რომელიც იუსტიციის უმაღლესმა საბჭომ პარლამენტს წარუდგინა.

 

infonews.ge
3730114

ყოფილი გამგებლის მანქანის დაწვის კადრები (ვიდეო)

სამგორის ყოფილი გამგებლის, მამუკა ჩოქურის მანქანა დაიწვა. შემთხვევა გამთენიისას, სპორტის სასახლის მიმდებარე ტერიტორიაზე, კვერნაძის ქუჩაზე, ყოფილი გამგებლის საცხოვრებელ სახლთან მოხდა. ტოიოტას მარკის ავტომობილი მთლიანად დაიწვა, მიზეზი უცნობია.

infonews.ge
BeFunky Collage

საქართველოს ტექნიკური უნივერსიტეტის ინოვაციური პროექტი – ცნობილი ქართველი პოლიტიკური ფიგურების იმიტირებული სასამართლო პროცესები

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის  ინოვაციური პროექტი, რომლის ავტორიც გახლავთ პოლიტიკის მეცნიერებათა დოქტორი, პროფესორი ჰენრი კუპრაშვილი, პროექტის მიზანია სტუდენტებში განავითაროს სათანადო პროფესიული უნარ-ჩვევები, ხელი შეუწყოს მრავალმხრივად განვითარებული, კონკურენტუნარიანი, მაღალი დონის სპეციალისტის მომზადებას. ინოვაცია მოიცავს პოლიტიკის მეცნიერებების, სამართალმცოდნეობის, საერთაშორისო ურთიერთობების, ინფორმატიკისა და სხვ. სამეცნიერო კვლევის სპეციალობების თეორიულ-პრაქტიკულ სინთეზს. ეს არის პოლიტიკის ერთგვარი გაკვეთილები, რათა სტუდენტებმა, მომავალმა სპეციალისტებმა შეცდომებზე ისწავლონ, რათა ისინი აღარ გაიმეორონ.

პროექტის ფარგლებში იმიტირებულ სასამართლო პროცესზე განიხილება ცნობილი ქართველი პოლიტიკური ფიგურების მიერ წარმოებული პოლიტიკა, ამ შემთხვევაში, პიროვნება კი არა, არამედ პოლიტიკა გამოდის სამსჯავროზე. ასევე აღსანიშნავია, რომ სხვადასხვა უმაღლესი სასწავლებლების სტუდენტებისა და ექსპერტ პროფესორ-მენტორების მიერ წინასწარი პოლიტოლოგიური და სამართლებრივი შესწავლისა და ანალიზის შემდეგ, სტუდენტების მიერ განაწილებულია მბრალმდებელისა და ადვოკატის ფუნქციები. იმიტირებული სასამართლო პროცესის შემდეგ კი ჟიურის (სასამართლო კოლეგია) გამოაქვს განაჩენი, რამდენად შეესაბამებოდა პოლიტიკოსის (ხელისუფლების) პოლიტიკური საქმიანობა ქვეყნის ეროვნულ ინტერესებს.

იხილეთ სურათი:

 

infonews.ge
2acdbd16212cc40326426e9ecdeaf969_108508

ირაკლი კობახიძე: „ქუთაისმა თავი ნამდვილად შეგვაყვარა და გულდასაწყვეტია, რომ ვტოვებთ სამუშაო პროცესს ამ ქალაქში“

„დღეს გვქონდა ბოლო სამუშაო დღე ქუთაისში, რაც ძალიან სამწუხაროა, ალბათ, თითოეული ჩვენგანისთვის. ნამდვილად შეგვაყვარა თავი ამ ქალაქმა და ძალიან გულდასაწყვეტია, რომ ვტოვებთ სამუშაო პროცესს ქუთაისში“, – ამის შესახებ საქართველოს პარლამენტის თავმჯდომარემ რიგგარეშე სესიის დახურვისას განაცხადა.

ირაკლი კობახიძემ საქართველოს პარლამენტის მანდატურის სამსახურს შესრულებული სამუშაოსთვის მადლობა გადაუხადა.

„სრულდება რიგგარეშე სესია. მინდა, კიდევ ერთხელ აღვნიშნო, რომ დღეს გვქონდა ბოლო სამუშაო დღე ქუთაისში, რაც ძალიან სამწუხაროა, ალბათ, თითოეული ჩვენგანისთვის. ამ ორი წლის განმავლობაში, ზოგისთვის ექვსი წლის განმავლობაში ნამდვილად შეგვაყვარა თავი ამ ქალაქმა და ძალიან გულდასაწყვეტია ის, რომ ვტოვებთ სამუშაო პროცესს ქუთაისში. და ბოლოს, მინდა განსაკუთრებული მადლობა გადავუხადო ჩვენს მანდატურებს, რომლებსაც ჰქონდათ რთული სესია და მათ შესანიშნავად და ბრწყინვალედ გაართვეს თავი მათთვის დაკისრებულ ამოცანებს. დიდი მადლობა, უღრმესი მადლობა მათ მუშაობისთვის“, – განაცხადა პარლამენტის თავმჯდომარემ

infonews.ge
0428707979fd016b201feafb90afaf8a_107289

ირაკლი კობახიძე: „გაუგებარია, რატომ დაუკავშირა ეკა ბესელიამ გადადგომა უზენაესი სასამართლოს მოსამართლეობის კანდიდატების საკითხს“

„იუსტიციის უმაღლესმა საბჭომ დააფიქსირა, თავდაპირველად, საკუთარი პოზიცია, რომ შესაძლებლად მიაჩნდა ამ პროცედურის გადატანა, მიუხედავად იმისა, რომ იყო ობიექტური პრობლემა უზენაეს სასამართლოში და ასევე, გაკეთდა ჩემი მხრიდან განცხადება იმის თაობაზე, რომ წელს აღარ ვიღებდით გადაწყვეტილებას, თუ ვინ ყოფილიყო უზენაესი სასამართლოს მოსამართლე. შესაბამისად, ჩემთვის ცოტა გაუგებარია ამ შემთხვევაში ქალბატონი ეკა ბესელიას განცხადების შინაარსი, რატომ დაუკავშირა მან თავისი გადადგომა ამ ყველაფერს“, – ამის შესახებ ჟურნალისტებს საქართველოს პარლამენტის თავმჯდომარემ განუცხადა.

ირაკლი კობახიძის თქმით, საკითხის განხილვა გაიმართა როგორც საპარლამენტო, ასევე პარტიულ ფორმატში.

„ჩვენ გვქონდა ამ საკითხის განხილვა საპარლამენტო ფორმატში. ასევე, პარტიულ ფორმატში შედგა შეხვედრები უმრავლესობის წარმომადგენლებთან. ორ ნაწილად იყო გაყოფილი ეს შეხვედრა. პარტიის თავმჯდომარე ესწრებოდა ამ შეხვედრას, სადაც იყო განხილული როგორც პროცედურა, ასევე, საუბარი იყო კანდიდატებთან დაკავშირებით. რაც შეეხება პროცედურას, იქ თავმჯდომარის პოზიცია იყო ის, რომ საჭიროა, რა თქმა უნდა, სწრაფი ცვლილებები უზენაეს სასამართლოში, გამომდინარე იქიდან, რომ დღეს, სასამართლოში, არის წარმოდგენილი 28-დან მხოლოდ 10 მოსამართლე. შესაბამისად, ეს, ბუნებრივია, აფერხებს საქმეთა სრულ განხილვას უზენაეს სასამართლოში. აქედან გამომდინარე, პარტიის თავმჯდომარის პოზიცია მდგომარეობდა იმაში, რომ თუ კანონი არ ირღვეოდა, ამ შემთხვევაში, მას მიზანშეწონილად მიაჩნდა უზენაესი სასამართლოს შემადგენლობის შევსება. რაც შეეხება უშუალოდ კანდიდატებს, პოზიცია მდგომარეობდა იმაში, რომ თითოეული კანდიდატი ინდივიდუალურად უნდა განხილულიყო და დეპუტატებს გადაწყვეტილების მიღების დროს საკუთარი რწმენით უნდა ემოქმედათ. ეს იყო საერთო პოზიცია“, – განაცხადა პარლამენტის თავმჯდომარემ.

ირაკლი კობახიძემ კიდევ ერთხელ აღნიშნა, რომ სხვადასხვა დაინტერესებული მხარისგან, მათ შორის, საერთაშორისო პარტნიორებისგან, გამოითქვა სურვილი, რომ პროცედურა და კრიტერიუმები წინასწარ გაწერილიყო და საკითხის განხილვა ამის შემდეგ დაწყებულიყო. მისივე განმარტებით, გუშინ გაკეთებული განცხადების შინაარსი გულისხმობდა არა მხოლოდ იმას, რომ უზენაესი სასამართლოს მოსამართლეების გამწესების საკითხს პარლამენტი მოგვიანებით მიუბრუნდება, არამედ იმასაც, რომ გაიწერება პროცედურები და კრიტერიუმები, რის შესაბამისადაც, ჩამოყალიბდება განახლებული სია და საქართველოს პარლამენტი სწორედ ამ განახლებულ სიას განიხილავს.

„ჩვენ გუშინ არამარტო ის ვთქვით, რომ წელს არ მივიღებთ გადაწყვეტილებას, ჩვენ ვთქვით, რომ იყო სურვილი გამოთქმული სხვადასხვა მხრიდან, მათ შორის, იყვნენ საერთაშორისო პარტნიორები, სხვა დაინტერესებული მხარეები. მათ თქვეს, რომ უმჯობესი იყო, ჯერ წინასწარ გაწერილიყო პროცედურა და კრიტერიუმები და ამის შემდეგ დაწყებულიყო უკვე საკითხის განხილვა და ჩვენ ზუსტად ამას დავუკავშირეთ ჩვენი გუშინდელი განცხადება. ეს ზუსტად ამას ნიშნავს. არა მარტო ის არის ჩვენი განცხადების შინაარსი, რომ მოგვიანებით მივუბრუნდებით ამ საკითხს, ჯერ გაიწერება პროცედურა-კრიტერიუმები. ეს თავის თავში გულისხმობს იმას, რომ ამ პროცედურისა და კრიტერიუმების შესაბამისად ჩამოყალიბდება განახლებული სია და ზუსტად ამ განახლებულ სიას განიხილავს საქართველოს პარლამენტი. ამიტომ ეს გადაწყვეტილება, როგორც პროცედურასთან დაკავშირებით, ასევე, შინაარსთან დაკავშირებით, განცხადება უკვე გვქონდა ჩვენ გაკეთებული მანამდე, აქედან გამომდინარე, ვერანაირი კავშირი ვერ იქნებოდა, ბუნებრივია, გადადგომასა და პროცედურას შორის“, – განაცხადა ირაკლი კობახიძემ.

infonews.ge
a561bbaaefced09f9ed92101609ce5c2_108485

ეკა ბესელიამ იურიდიულ საკითხთა კომიტეტის თავმჯდომარის თანამდებობის დატოვების შესახებ განცხადება გააკეთა

ეკა ბესელიამ იურიდიულ საკითხთა კომიტეტის თავმჯდომარეობიდან გადადგომის შესახებ საგანგებო განცხადება გააკეთა და გადადგომის მიზეზები განმარტა.

„ფიქრის შემდეგ, მივიღე გადაწყვეტილება დავტოვო იურიდიულ საკითხთა კომიტეტის თავმჯდომარის თანამდებობა. ამ გადაწყვეტილებით გუშინ შევაჩერეთ პროცესი, რომელიც მიმაჩნია, რომ იყო ძალიან საზიანო და ეხება უზენაესი სასამართლოს მოსამართლეების უვადოდ დანიშვნის ნაჩქარევ და გაუმართლებელ პროცესს. მივიღე ეს გადაწყვეტილება იმიტომ, რომ საზოგადოებას მიეცეს საშულება იხილოს გამჭვირვალე პროცესი და ჩართული იყოს მოსამართლეებად მაღალი რეპუტაციის მქონე პირების გამოკვეთაში და მათ შერჩევაში. ეს პროცესი აუცილებლად უნდა წარიმართოს კრიტერიუმებით დადგენილ წესით, უნდა შეიქმნას სამუშაო ჯგუფი და უნდა იმუშაოს კომიტეტმა და პარლამენტმა იმ პროცედურების სრული დაცვით, რომელიც ამ პროცესს გახდის გამჭვირვალეს, სამართლიანს და სწორს.

სია უნდა იყოს გაწვეული და არა შეჩერებული. უნდა იყოს ყველას პროცედურა გაწერილი. სიაში არიან ადამიანები, რომლებიც არა მხოლოდ ჩემი შვილის და ძმის პოლიტიკური საქმის მოსამართლეები იყვნენ, სიაში არიან ადამიანები, რომლებიც ჩემი თანამებრძოლების პოლიტიკურად მოტივირებულ საქმეებზე იყვნენ მოსამართლეები. მიმაჩნია, მიმაჩნდა და ყოველთვის ეს განწყობა მექნება, რომ უზენაეს სასამართლოს უნდა ჰყავდეს ის მოსამართლეები, ისეთი მაღალი კვალიფიკაციის და ისეთი რეპუტაციის მქონე იურისტები, რომლებიც არ ემსახურებოდნენ სააკაშვილის ძალადობრივ რეჟიმს.

ჩემი მთავარი იდეალი ყოველთვის იყო და ყოველთვის იქნება სამართლიანობისთვის ბრძოლა. რატომ არ გავაკეთ ეს განცხადება გუშინ. მე ველოდებოდი და დღეს მივიღე განცხადება ვანო ზარდიაშვილის გადადგომის თაობაზე. იურიდიულ საკითხთა კომიტეტის თავმჯდომარის მოვალეობის შესრულებას მე ვერ დავუტოვებდი ამ ადამიანს. ეს განცხადება მივიღე დღეს და ამ განცხადების შემდეგ ვაკეთებ მე განცხადებას გადადგომის თაობაზე.

მე ვიტოვებ იმედს, რომ იურიდიულ საკითხთა კომიტეტი, რომელიც ძალიან მნიშვნელოვანი კომიტეტია, შეარჩევს და შემდეგ პარლამენტი მიიღებს გადაწყვეტილებას კომიტეტის თავმჯდომარედ ისეთი კანდიდატის თაობაზე, რომელიც ასევე დაიცავს პრინციპებს, იქნება შეუვალი, სამართლიანი, ძალიან ღირსეული და ფასეულობების დამცველი.

მაღალი რეპუტაციის მოსამართლეების შერჩევა უვადოდ და ამ პროცესის გამჭვირვალედ, საზოგადოების ფართო მონაწილეობით წარმართვა, ეს არის ჩვენი ვალდებულება, ეს არის ჩვენი დაპირება, ეს არის ჩვენი ქვეყნისთვის ყველაზე მნიშვნელოვანი პროცესი და ეს არის ჩვენი შვილების მომავალი.

და ბოლოს, ნებისმიერი სპეკულაცია რომ გამორიცხოს და არ გაჩნდეს ზედმეტი კითხვები პარტიის ლიდერთან ბიძინა ივანიშვილთან დაკავშირებით, ვამბობ პირდაპირ, ვამბობ ღიად და ვამბობ სიმართლეს – ბიძინა ივანიშვილი იყო ის ადამიანი, რომელსაც ამ საკითხთან დაკავშირებით ჰქონდა პოზიცია, რომ პროცესი უნდა წარიმართოს სამართლიანად, პროცედურის დაცვით, კანონის დაცვით და გადაწყვეტილების მიღების დროს ყველას აქვს თავისუფალი ნება. ეს იყო მისი პოზიცია. მე არ ვიქნები მართალი, რომ მე თქვენ ეს არ გითხრათ. სხვა კითხვები – ვინ, რატომ, ვინ მოიაზრება, ამაზე სხვა დროს, სხვა ფორმატში, მოგვიანებით. გითხარით ის, რის თქმაც მიმაჩნია, რომ დღეს არის საჭირო. ეს არის სიმართლე და ეს არის ის რაც, საზოგადოებას არ უნდა დავუმალო“, – განაცხადა ეკა ბესელიამ

infonews.ge
101528819265096963

ბესელია: საკადრო ცვლილებებს არ გამოვრიცხავ

გაცილებით მნიშვნელოვანია, ცვლილებები შეეხოს მართვის და მენეჯმენტი ფორმებს, ვიდრე, ან მხოლოდ კონკრეტულ გვარებს და კადრებს, – ამის შესახებ პარლამენტის იურიდიულ საკითხთა კომიტეტის თავმჯდომარემ, ეკა ბესელიამ პირველი არხის გადაცემაში „კვირის ინტერვიუ“ სტუმრობისას განაცხადა.

„როცა ცვლილებებზე ვსაუბრობთ, არ შეიძლება, ფრაგმენტულად ისაუბრო. განსაკუთრებით, როდესაც ყველა ვიაზრებთ, რომ ეს მოცემულობა გაცილებით გაბედული ნაბიჯების გადადგმას გულისხმობს. ცვლილებები კომპლექსური უნდა იყოს. ვინც არ უნდა შეიცვალოს, სახელისა და გვარის ცვლილება არ შეცვლის ვითარებას, თუ მენეჯმენტი და მართვის სტილი არ შეიცვალა. გამორიცხვით, საკადრო ცვლილებებს არ გამოვრიცხავ, მაგრამ ახლა, გაცილებით მეტი დრო ეთმობა შინაარსს, მართვის მოდელს და კონტროლის მეტი მექანიზმის გამოყენებას, რომ ყველა დონეზე, ყოველი პასუხისმგებელი პირი, ვისაც კონკრეტული სფერო აქვს მინდობილი და კონკრეტული მიმართულება აბარია, პოზიციაზე ეფექტიანი იყოს, პასუხისმგებელი და ჰქონდეს შედეგი“, – განაცხადა ბესელიამ.

 

infonews.ge
14რტყ

სალომე სამადაშვილს აუცილებლად ვუჩივლებ – ბესელია

სალომე სამადაშვილს აუცილებლად ვუჩივლებ, – ამის შესახებ პარლამენტის იურიდიულ საკითხთა კომიტეტის თავმჯდომარემ, ეკა ბესელიამ პირველი არხის გადაცემაში „კვირის ინტერვიუ“ სტუმრობისას განაცხადა.

გადაცემის წამყვანის შეკითხვაზე, შეუსუსტდა თუ არა მას პოზიციები გუნდში, როგორც ეს სალომე სამადაშვილმა განაცხადა, ეკა ბესელიამ აღნიშნა, რომ ქალბატონი სამადაშვილი, თავისი კომიკური პერსონაჟით, მის პოზიციას ვერაფერს მოაკლებს და ვერც შეარყევს.

როგორც ეკა ბესელიამ აღნიშნა, ყველაზე ხელშეუხებელი თემა ოჯახის წევრებია და ის, რაც სალომე სამადაშვილმა იკადრა, ძალიან სამარცხვინოა.

„ამაზე კომენტარი გუშინ არ გამიკეთებია. ეს შეგნებულად შემოვინახე და მინდა, თქვენ ეთერში ბოდიში საჯაროდ მოვუხადო დედაჩემს, ქალბატონ გულიკოს, რომელსაც გული სრულიად დაუმსახურებლად ეტკინა. ჩემი პოლიტიკური აქტივობის გამო, ჩემს ოჯახს ეს ტკივილი ბევრჯერ მიადგა და ერთ-ერთი ეს შემთხვევაც არის“, – განაცხადა ბესელიამ.

ეკა ბესელიამ გადაცემაში მისი დედის, გულიზარ ბესელიას პირადი მონაცემების შესახებ დოკუმენტები წარმოადგინა, სადაც როგორც თავად აღნიშნა, ჩანს, რომ მას პირადობის მოწმობა 2008 წელს აქვს აღებული, ბესელია მისი მეუღლის გვარია და ის დღესაც ბესელიაა, დაბადების გვარი კი, ორაგველიძეა და ბესელია დაქორწინების შემდეგ გახდა, როცა მეუღლის გვარზე გადავიდა.

 

infonews.ge
14666

კლანური მმართველობა – NGO-ები მოსამართლეების ხელახალ შერჩევას ითხოვენ

კოალიცია “დამოუკიდებელი და გამჭვირვალე მართლმსაჯულებისთვის” პარლამენტს მოუწოდებს, უარი თქვას უზენაესი სასამართლოს მოსამართლის თანამდებობაზე წარდგენილი კანდიდატების სიის განხილვაზე. კოალიციის აზრით, მოსამართლეობის კანდიდატების შერჩევა ხელახლა უნდა მოხდეს, შერჩევის პროცესი კი მხოლოდ საკანონმდებლო ცვლილებების მიღების შემდეგ უნდა დაიწყოს.

კოალიცია მიმართავს პარლმეტის თავმჯდომარეს და იურიდიულ საკითხთა კომიტეტის თავმჯდომარეს, უმოკლეს ვადებში გამართონ შეხვედრა კოალიციის წევრ ორგანიზაციებთან და სხვა დაინტერესებულ ჯგუფებთან.

კოალიცია შეშფოთებას გამოთქვამს უზენაესი სასამართლოს მოსამართლის თანამდებობაზე იუსტიციის უმაღლესი საბჭოს მიერ, ყოველგვარი პროცედურების გარეშე ისეთი კანდიდატების წარდგენის გამო, რომელთა უმეტესობა უკანონო და უსამართლო მართლმასაჯულების განხორციელებასთან ასოცირდება საზოგადოებაში. – აცხადებენ არასამთავრობოებს წარმომადგელები.

„მიხეილ ჩინჩალაძის, გიორგი მიქაუტაძის, დიმიტრი გვრიტიშვილის, თამარ ალანიას, მერაბ გაბინაშვილის, გიორგი ტყავაძის, პაატა სილაგაძის სახელები წლებია უკავშირდება კლანურ მმართველობას და კორპორატიზმს სასამართლო სისტემაში. მათგან საბჭოს ორი მოქმედი წევრის – მიქაუტაძის და გვრიტიშვილის კანდიდატურების დასახელება ცხადყოფს, რომ საბჭოს წევრები საკუთარ თანამდებობებს პირადი ინტერესებისთვის იყენებენ“, – განაცხადეს კოალიციის წევრებმა დღეს გამართულ ბრიფინგზე.

კოალიციაში ოთხმა არასამთავრობოა გაერთანებული- “ადამიანის უფლებათა სწავლებისა და მონიტორინგის ცენტრი”, “საია”, “საერთაშორისო გამჭვირვალობა საქართველო” და “IDF”.

 

infonews.ge
13ზოი

“ხალხი კარგი ცხოვრების გამო კი არ ეწევა…”- ზოიძე სიგარეტის გაძვირებას ითხოვს

ხალხი კარგი ცხოვრების გამო კი არ ეწევა სიგარეტს, არამედ სანერვიულო აქვს ძალიან ბევრი, – ეს განცხადება საბიუჯეტო კომიტეტის სხდომაზე დავით ჭიჭინაძემ გააკეთა. კომიტეტზე  სადაც უფილტრო სიგარეტზე აქციზის განაკვეთის ზრდას განიხილავენ.ჭიჭინაძის თქმით, იმისთვის, რომ ხალხმა სიგარეტის მოწევას თავი დაანებოს, არა ფასების ზრდა, არამედ ცხოვრების პირობების გაუმჯობესებაა საჭირო.

„ნებისმიერ პროდუქტზე ფასის ზრდამ მისი მოხმარება არ შეამცირა. სიგარეტთან მიმართებაში ისეთ გაჭირვებულ ქვეყანაში, როგორიც საქართველოა, ხალხი კარგი ცხოვრების გამო კი არ ეწევა ამ სიგარეტს, არამედ სანერვიულო აქვს ძალიან ბევრი. აქედან გამომდინარე, თუ სანერვიულოს მოაკლებთ, პენსიას გაუზრდით და ცხოვრების კარგ პირობებს მისცემთ, ამის შემდეგ შეიძლება ადამიანმა დაანებოს სიგარეტის მოწევას თავი. ადამიანმა ჯანმრთელი ცხოვრებით რომ იცხოვროს, სპორტულ-გამაჯანსაღებელი კომპლექსები უნდა იყოს ხელმისაწვდომი, რომელიც საკმაოდ ძვირია და ვერავინ ვერ მიდის. ამაში თუ ევროკავშირს მიყვებით, მინდა გითხრათ, რომ მაგალითად, ავსტრიაში 90 ევრო ღირს მთელი წლის აბონემენტი, სახელმწიფო აფინანსებს. ჩვენთან რა ღირს მაინტერესებს. აქედან გამომდინარე, იმ ნაწილში რომ ევროკავშირს ბაძავთ, ჯერ ხელფასები დანიშნეთ ევროკავშირისნაირი. თუ ადამიანებზე ზრუნვა გინდათ, ცხოვრება გაუიაფეთ, შემოსავლები გაუზარდეთ და იქნება ხალხი ბედნიერი,“ – განაცხადა ჭიჭინაძემ.

ჭიჭინაძე ამ განცხადებით, ჯანდაცვის კომიტეტის თავმჯდომარის აკაკი ზოიძეს გამოეხმაურა, რომლმაც თქვა, რომ თამბაქოს ფასმა იმის გამო უნდა მოიმატოს, რომ ადამიანმა სიგარეტის მოწევას თავი დაანებოს.

 

infonews.ge
5ყლე

“არ ვიცით თავში რა მოუვა მორიგ სააკაშვილს… საქართველოში არც ერთ ქორს გამბედაობა არ ეყოფა ხელყოს ჩვენი საზღვრები”

სამხრეთ ოსეთი საქართველოს მილიტარიზაციით შეშფოთებულია, – ამ ანცხადებას ოკუპირებული სამხრეთ ოსეთის დე ფაქტო პრეზიდენტი აკეთებს:

„ჩვენ არ ვიცით თავში რა მოუვა მორიგ სააკაშვილს. საქართველოს პოლიტიკა არალოგიკურია. საქართველოს პოლიტიკაში არ დევს ლოგიკა, რისი დასტურიც არის ის, რომ საქართველოს არ შეუძლია იმეგობროს რუსეთთან, რომელმაც ის თურქეთის, ირანის დაპყრობისგან გადაარჩინა. რუსეთის იმპერიის შემადგენლობაში საქართველომ თავისი სახელმწიფოებრიობა მოიპოვა.

გასაგებია, რომ საქართველო არ შეეგუება იმ პოლიტიკურ რეალიას, რაც ჩვენ გვაქვს. მეორე მხრივ, რუსეთთან შეთანხმება გვაქვს, სადაც ნათლად არის გაწერილი, რომ რომელიმე მხარეზე თავდასხმა მეორე მხარეზე თავდასხმად განიხილება. უსაფრთხოების ერთიან კონტურს ვქმნით. საქართველოში არც ერთ ქორს გამბედაობა არ ეყოფა ხელყონ ჩვენი მტკიცე განწყობა დავიცვათ ჩვენი სახელმწიფო საზღვრები“, – განაცხადა ანატოლი ბიბილოვმა.

 

infonews.ge
26123

,,ვუსმენ ამ კაცს და მეტირება”

ადვოკატი ზაზა ხატიაშვილი სოციალურ ქსელში წერს:

“სანდრო ბარამიძე გამოდის “ტვ პირველზე” და ამბობს, ჩინჩალაძის კლანის დანიშვნა არის წარმოუდგენელიო. ადეიშვილის ნების გამტარებელი იყო ჩინჩალაძის კლანი და ბიძინა ივანიშვილი არის ამისი ორგანიზატორიო. წულუკიანი და ბარამიძე თითქმის მოსაკლავად დამდევდნენ, როცა ამ უმსგავსობას ვებრძოდი. ვუსმენ ამ კაცს და მეტირება. ქუჩაში ვიდექი, რომ იუსიტიციის სამინისრტროს საკანონმდებლო ცვლილებები არ გაეტარებინა და იუსტიციის საბჭოს არ მიეღო უფლება წარედგინა უზენაეს სასამართლოში მოსამართლეები. სანდრო ბარამიძემ წარადგინა ეს ცვლილებები პარლამენტში და ახლა მოუწოდებს პარლამეტნს ხმა არ მისცეთ ჩინჩალაძეებსო. უკომენტაროდ დავტოვებ სანდრო ბარამიძის შემობრუნებას წესიერებისკენ”.

 

infonews.ge
26122

ანა დოლიძე პარლამენტარობისთვის ემზადება

იუსტიციის უმაღლესი საბჭოს არამოსამართლე წევრი ანა დოლიძე არ გამორიცხავს, რომ მთაწმინდის ოლქში მაჟორიტარ დეპუტატად კენჭი იყაროს.

„რა თქმა უნდა, არაფერს გამოვრიცხავ იმ მიზნების მისაღწევად, რა მიზნებისთვისაც იუსტიციის უმაღლეს საბჭოში ვარ. თუ აღმოჩნდება, რომ ბეტონის კედელს ვურტყამ თავს და ცვლილებების პერსპექტივა არ არის, არავითარ საშუალებას არ გამოვრიცხავ. ეს იქნება საზოგადოებრივი მოღვაწეობა, წერა, თუ სხვა ათასი საშუალება, ნამდვილად არ გამოვრიცხავ“, – განუცხადა ანა დოლიძემ „ინტერპრესნიუსს“.

მთაწმინდის ოლქის მაჟორიტარი დეპუტატი სალომე ზურაბიშვილი იყო. საპრეზიდენტო არჩევნებში მისი გამარჯვების გამო, აღნიშნულ ოლქში მაჟორიტარი დეპუტატის არჩევნები თავიდან უნდა ჩატარდეს.

 

infonews.ge
a1afb76656b1a43825b66d679946454b_107223

ირაკლი კობახიძე: პარლამენტი უზენაესი სასამართლოს მოსამართლეების გამწესების გადაწყვეტილებას მიმდინარე სესიაზე არ მიიღებს

საქართველოს პარლამენტი უზენაესი სასამართლოს მოსამართლეების გამწესების გადაწყვეტილებას მიმდინარე სესიაზე არ მიიღებს და საკითხს საგაზაფხულო სესიის დაწყებისთანავე დაუბრუნდება.

ამის შესახებ საქართველოს პარლამენტის თავმჯდომარე ირაკლი კობახიძემ საგანგებოდ გამართულ ბრიფინგზე განაცხადა.

„როგორც მოგეხსენებათ, იუსტიციის უმაღლესმა საბჭომ პარლამენტს ასარჩევად წარუდგინა უზენაესი სასამართლოს მოსამართლეობის კანდიდატები. უზენაესი სასამართლოს მოსამართლეობის კანდიდატების წარდგენა საბჭოს მხრიდან დასაბუთებული იყო სასამართლოს შემადგენლობის შევსების საჭიროებით. როგორც მოგეხსენებათ, ამჟამად, უზენაეს სასამართლოში წარმოდგენილია 28-დან 10 მოსამართლე, რაც ბუნებრივია, ხელს უშლის საქმეთა დროულ განხილვას და გადაწყვეტას. სხვადასხვა დაინტერესებული მხარის მიერ გამოითქვა სურვილი კანდიდატების შერჩევა განხორციელდეს წინასწარ გაწერილი პროცედურისა და კრიტერიუმების შესაბამისად. აღნიშნულის გათვალისწინებით და ასევე, იუსტიციის უმაღლესი საბჭოს მიერ დღეს უკვე გაცხადებული პოზიციის შესაბამისად, საქართველოს პარლამენტი მიმდინარე სესიაზე არ მიიღებს უზენაესი სასამართლოს მოსამართლეების გამწესების გადაწყვეტილებას. ამ საკითხს პარლამენტი მიუბრუნდება საგაზაფხულო სესიის დაწყებისთანავე, რათა უზრუნველყოფილი იყოს უზენაესი სასამართლოს შემადგენლობის დროული შევსება მაღალკვალიფიციური კადრებით“,– განაცხადა ირაკლი კობახიძემ

infonews.ge
26120

გუგული მაღრაძის კიდევ ერთი ინიციატივა

“დღეს ჩვენს საზოგადოებას ძალიან სჭირდება არამარტო ქველმოქმედება და გაჭირვებულის დახმარება, არამედ სჭირდება დახმარება იმისთვის, რომ განათლება, კულტურა, სპორტი ფეხზე დადგეს. მარტო სახელმწიფოს ბიუჯეტი არ უნდა იყოს ერთადერთი წყარო. ადამიანებს ორგანიზაციებს უნდა შეეძლოთ უფრო თამამად გასწიონ ფილანტროპია “, – ამის შესახებ დეპუტატმა გუგული მაღრაძემ გადაცემაში „პირისპირ” განაცხადა.

ამასთან, დეპუტატი ამბობს, რომ მისი ინიციატივით მიღებულმა კანონმა თამბაქოსთან დაკავშირებულ აკძალვებზე, გაამართლა და მას თითქმის არავინ, მათ შორის არც დეპუტატები, არღვევს.

საპარლამენტო უმრავლესობის წევრებმა ზვიად კვაჭანტირაძემ და გუგული მაღრაძემ პარლამენტს საკანონმდებლო ინიციატივის სახით საქართველოს კანონის პროექტებით „ფილანტროპიის, ქველმოქმედებისა და საზოგადოებრივი პარტნიორობის შესახებ,” „გრანტების შესახებ” საქართველოს კანონში დამატებების შეტანის თაობაზე” და „საქართველოს საგადასახადო კოდექსში ცვლილებებისა და დამატებების შეტანის შესახებ” 2013 წელს მიმართეს. მას შემდეგ კანონმდებლები ამ თემას აღარ დაბრუნებიან.

,,იმედინიუსი”

infonews.ge
26112

,,რევოლუცია მოახლოვდა”

გია ხუხაშვილი მიიჩნევს, რომ იუსტიციის საბჭომ უზენაეს სასამართლოში 10 მოსამართლის წარდგენით წითელი ხაზი გადაკვეთა, რითაც ქვეყანაში რევოლუციური პროცესები დააჩქარა.

“ნდობა დაიკარგა სახელმწიფო ინსტიტუტებზე, ეს არჩევნებზეც გამოჩნდა. კომპრომეტირებულმა, მისჯილმა პარტიამ არჩევნები კინაღამ მოიგო, აქამდე დავეცით.

სახელმწიფო ინსტიტუტებზე ნდობა დაიკარგა, ეს ყველაზე კარგად არჩევნებზე გამოჩნდა. კინაღამ კომპრომეტირებულმა, მისჯილმა პარტიამ მოიგო არჩევნები, აი აქამდე დავეცით.

და ეს ყველაფერი ხდება იმიტომ, რომ “ქართული ოცნების” ხელში ინსტიტუტებისადმი ნდობა დაიკარგა.

სასამართლო ბოლო ინსტანციაა. უზენაეს საბჭოში ამ მოსამართლეების დამტკიცებით, სასამართლო ინსტიტუტების მიმართ ნდობა “პლინტუს” ქვემოთ ჩამოვა. ეს კი ერთ რამეს მიუთითებს – მოქალაქეები არ ენდობიან სახელმწიფო ინსტიტუტებს და სწორედ აქედან იწყება რევოლუციური პროცესები. საზოგადოებას სხვა გამოსავალი აღარ რჩება. თუ ვინმეს ამის არ სჯერა, საქართველოს უახლესი ისტორია გადაიკითხოს და პროცესების ანატომიას გაეცნოს”, – განაცხადა ხუხაშვილმა.

ნიუპოსტი

infonews.ge