Facebook და Ray-Ban გაფართოებული რეალობის სათვალეს 2021 წელს გამოუშვებენ

 
ზუსტად ერთი წლის წინ დაიწყო საუბარი იმაზე, რომ Facebook AR (გაფართოებული რეალობის) სათვალეზე Ray-Ban-ის შემქმნელ კომპანიასთან ერთად მუშაობდა. რამდენიმე დღის წინ კი, კონფერენცია Facebook Connect-ზე, მარკ ზაკერბერგმა ოფიციალურად დაადასტურა, რომ Ray-Ban-ის შემქმნელ კომპანიასთან EssilorLuxottica თანამშრომლობით დამზადებული ჭკვიანი სათვალე 2021 წლისთვის გახდება ხელმისაწვდომი. The Verge-ის ცნობით, ფეისბუკმა დაადასტურა, რომ ეს სათვალე AR მოწყობილობად იქნება კლასიფიცირებული, თუმცა, მას ინტეგრირებული არ ექნება რაიმე ტიპის ეკრანი. აღსანიშნავია, რომ გაფართოებული თუ ვირტუალური რეალობის სათვალეების უმეტესობას ერთი პრობლემა აქვს – მათი ყოველდღიურ ცხოვრებაში ინტეგრირება, მათი ზომიდან გამომდინარე, ვერ ხერხდება. ფეისბუკი არ არის პირველი კომპანია, რომელიც AR სათვალის ყოველდღიური მოხმარების სათვალის დიზაინში წარმოდგენას ცდილობს, ამ მიმართულებით მის გარდა მუშაობენ Google, Apple, Amazon და ა.შ.
 

Facebook-ის თქმით, ეს სამომხმარებლო სათვალე იქნება მნიშვნელოვანი წინგადადგმული ნაბიჯი, AR მოწყობილობების კუთხით და მასში ფეისბუკის Project Aria-ს ექსპერიმენტული პროტოტიპი იქნება გამოყენებული. მიმდინარე თვიდან, კომპანია ტექნოლოგიის დატესტვას ფეისბუკის თანამშრომლებსა და კონტრაქტორებზე დაიწყებს, იმისათვის, რომ გადაიჭრას პერსონალურ მონაცემთა დაცვასთან, ვიდეოს ჩაწერასთან თუ სხვა საკითხებთან დაკავშირებული დეტალები.

ჯერჯერობით, უცნობია მეტი დეტალი Facebook-ისა და Ray-Ban-ის AR სათვალის შესახებ. მაგალითად, არ ვიცით რა იქნება მისი სახელი, ან ფასი. ან უშუალოდ, როგორ და რამდენად უსაფრთხოდ იმუშავებს მასში გამოყენებული ტექნოლოგია. ამ საკითხებზე ინფორმაციას, სავარაუდოდ, სათვალის ბაზარზე გამოჩენამდე მივიღებთ.

marketer.ge

0Shares
infonews.ge

კომენტარები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.