ევროკავშირის სამეზობლო პოლიტიკისა და გაფართოების მოლაპარაკებების გენერალური დირექტორატი იმ ათი უწყების სიას აქვეყნებს, რომლებიც საქართველოს მთავრობაში არიან და ევროკავშირისგან დაფინანსება აქვთ მიღებული.
- 111,55 მილიონი ევრო – რეგიონული განვითარების და ინფრასტრუქტურის სამინისტრო – ადგილობრივი ხელისუფლებები;
- 101,40 მილიონი ევრო – ფინანსთა სამინისტრო;
- 62,75 მილიონი ევრო – თავდაცვის სამინისტრო;
- 57 მილიონი ევრო – გარემოს დაცვის სამინისტრო;
- 30,5 მილიონი ევრო – ეკონომიკისა და მდგრადი განვითარების სამინისტრო;
- 25,07 მილიონი ევრო – დევნილთა, შრომის, ჯანმრთელობისა და სოციალური დაცვის სამინისტრო;
- 19 მილიონი ევრო – მიგრაციის საკითხთა სახელმწიფო კომისია;
- 12,85 მილიონი ევრო – განათლების სამინისტრო;
- 10,5 მილიონი ევრო – შინაგან საქმეთა სამინისტრო;
- 7,4 მილიონი ევრო – მთავრობის ადმინისტრაცია.
გავრცელებული ინფორმაციით ირკვევა, რომ საჯარო დაწესებულებებმა 2019-2024 წლის პერიოდში ევროკავშირისგან 517,82 მილიონი ევრო მიიღეს, რაც Covid-პანდემიისას გაცემულ 75-მილიონიან სესხსაც მოიცავს.
ამასთანავე, სამოქალაქო საზოგადოება 46,1 მილიონი ევროთი, ხოლო კერძო სექტორი 6,1 მილიონი ევროთი დაფინანსდა.
ვეხმაურებით საქართველოს მიმართ ევროკავშირის მხარდაჭერის არასწორ ინტერპრეტაციას. მნიშვნელოვანია „უცხოური აგენტების შესახებ“ კანონის კონტექსტში განმარტება. სამოქალაქო საზოგადოებასთან შედარებით, საქართველოს სამინისტროებს 10-ჯერ მეტი თანხა გამოეყო” ,- წერს ევროკომისიის გენერალური დირექტორატი.
