დღემდე ბევრი ფიქრობს, რომ მარსზე ცხოვრება შორეული მომავალი ან, უბრალოდ, კაცობრიობის ოცნებაა… თუმცა ილონ მასკი ამის რეალობად ქცევას ისახავს მიზნად.
ჩვენ ვიცით, რომ მას კაცობრიობის მარსზე მოხვედრა სურს და ამას კოსმოსური ხომალდის დახმარებით აპირებს. SpaceX კი აცხადებს, რომ შესაძლოა, ვარსკვლავური ხომალდი ორბიტაზე 2022 წლის მარტისთვის გაეშვას.
იმისათვის, რომ ეს ოცნება მეტად რეალური ყოფილიყო, SpaceX-მა რაკეტის მომავლის ვიდეო გამოაქვეყნა — ოცნებაში წარმოდგენილი სიუჟეტები გამოსახულებებად აქცია. პირველ კადრებში ვხედავთ, როგორ მიფრინავს კოსმოსური ხომალდი დედამიწიდან მარსის მიმართულებით, შემდეგ კი ასტრონავტებით დასახლებულ წითელ პლანეტას გვაჩვენებს. მართალია, მარსზე დასახლება ამ სიუჟეტზე გაცილებით რთული და გამოწვევებით სავსე იქნება, მაგრამ ოცნების გამოსახულებად ქცევა საკმაოდ შთამბეჭდავი ხერხია.
https://youtube.com/watch?v=-Oox2w5sMcA%3Ffeature%3Doembed
