ჩინეთის დედაქალაქ პეკინში მიმდინარე ზამთრის ოლიმპიურ თამაშებზე ფიგურულ ციგურაობაში სპორტული წყვილები ჩაერთვნენ. საქართველოს სახელით გიორგი რევიასა და მარია კაზაკოვას დუეტმა იასპარეზა და ფინალურ ეტაპზე გამოსვლის უფლება მოიპოვა.
მათ 23 სპორტული წყვილიდან 5 ქვეყნის წარმომადგენლებს გადაასწრეს და 67.08 ქულით მოკლე პროგრამაში გამოსვლა მე-18 ადგილზე დაასრულეს. რევიასა და კაზაკოვას წყვილმა ყველა ელემენტი შეასრულა და ლიეტუვის, იაპონიის, გერმანიის, უკრაინისა და სომხეთის სახელით მოასპარეზე სპორტსმენებს აჯობა.
ფიგურულ ციგურაობაში ფინალური ეტაპი 14 თებერვალს ჩატარდება. 20 საუკეთესო წყვილი მედლებისთვის იბრძოლებს. თავისუფალი პროგრამა თბილისის დროით 05:15 საათზე დაიწყება.
