ადამიანის გენომი “მარადიულ ჩიპზე”
✦ მეცნიერებმა წარმატებით დაშიფრეს მთელი ადამიანის გენომი რევოლუციურ „5D მეხსიერების კრისტალზე“.
ეს არის ტექნოლოგია, რომელსაც, თეორიულად, შეუძლია სხვადასხვა მონაცემების შენარჩუნება მილიარდობით წლის განმავლობაში.
საუთჰემპტონის უნივერსიტეტის მკვლევრების მიერ შემუშავებულ ამ ნანოსტრუქტურული სილიციუმის დისკს შეუძლია 360 ტერაბაიტამდე მონაცემის შენახვა და ექსტრემალური პირობების გადატანა, როგორიცაა მაღალი ტემპერატურა, კოსმოსური გამოსხივება და ფიზიკური საგანის პირდაპირი ზემოქმედება.
ულტრა სწრაფი ლაზერების გამოყენებით, ადამიანის გენომი კრისტალში იქნა გრავირებული ხუთ განზომილებაში – 2 ოპტიკური და 3 სივრცითი – რაც უზრუნველყოფს მის მდგრადობას.
კრისტალი, რომელიც ამჟამად ავსტრიაში, “კაცობრიობის მეხსიერების არქივში”, ინახება მოქმედებს როგორც დროის კაფსულა, რომელიც დაიცავს ჩვენს გენეტიკურ კოდს კატასტროფული მოვლენებისგან.
NASA-ს “ვოიაჯერის” მისიებში გამოყენებული ოქროს დისკის მსგავსად, კრისტალი ასევე შეიცავს ინსტრუქციებს შენახული ინფორმაციის გაშიფვრისთვის, მათ შორის ადამიანის ფიგურების, დნმ-ის სტრუქტურების და ფუნდამენტური ქიმიური ელემენტების გამოსახულებებს.
მიუხედავად იმისა, რომ თანამედროვე ტექნოლოგია ჯერ კიდევ არ იძლევა კომპლექსური სიცოცხლის ხელახლა შექმნის საშუალებას, ივარაუდება, რომ ეს ყოველივე მომავალში შესაძლებელი იქნება.
წყარო: მომავლის პოსტი • Future Post
