ყველამ ვიცით ფრაზები „იბრძოლე სისტემის წინააღმდეგ!“, „წადი სისტემის წინააღმდეგ“, „დაარღვიე სისტემა“ და ა.შ.
მაგრამ რა არის სისტემა?
ბავშვობიდან ბევრს უკვირს, რატომ არის ყველაფერი ასე. რატომ აქვს ზოგიერთ ადამიანს მეტი ძალაუფლება, ვიდრე სხვებს, რატომ არის ზოგი ღარიბი და ზოგი მდიდარი.
ჩვენ გვჯეროდა, რომ უსამართლობა იყო, მაგრამ ძალიან პატარა ასაკიდანვე გვიფანტავდნენ ყურადღებას, როდესაც გვიჩვენებდნენ და გვიყვებოდნენ ზღაპრებს იმის შესახებ, თუ როგორ იღებს ყველა ყოველთვის იმას, რასაც იმსახურებს და სიკეთე ყოველთვის იმარჯვებს ბოროტებაზე.
მაგრამ ეს სიმართლეს არ შეესაბამება!
ეს არის ერთ-ერთი იმ მცირერიცხოვანი ილუზიიდან, რომელიც შექმნილია ჩვენ მოსატყუებლად და დასამშვიდებლად.
სისტემა არის ქსელი, მისი დახვეწილი და შეუმჩნეველი ძაფები ჩვენი ცხოვრების ყველა ასპექტში იჭრება. კიბოს მსგავსად, სანამ მასთან არ ვართ, მისი მტრები ვართ, მაგრამ როგორც კი მასთან დავკავშირდებით, მისი ნაწილი ვხდებით. მისი ძაფები მეტასტაზებია, რომლებიც ჩვენ ქონებას, რესურსებს, თავისუფლებას და აზრებს იპყრობენ.
სისტემა რადიოაქტიური გამოსხივების მსგავსია; ჩვენ ამას ვერ ვხედავთ, მაგრამ ის კლავს – კლავს ინდივიდს.
ტრადიციების, წეს-ჩვეულებების, რელიგიისა და მორალის მეშვეობით ტვინს გვირეცხავენ, გვეუბნებიან, რა არის კარგი და რა არის ბოროტება, როგორ მოვიქცეთ და როგორ ვიფიქროთ. დაფიქრდით, რატომ იღებს კრიმინალი, რომელიც საკუთარი ინტერესებისთვის კლავს, წლების განმავლობაში პატიმრობას და სამუდამო სტიგმას, ხოლო მეომარი, რომელიც თავისი ბატონების ახირებისთვის კლავს, გმირად ითვლება და ჯილდოს იღებს. რატომ გმობენ ჩვენი პრეზიდენტები, მეფეები და პატრიარქები ქურდობას, მაგრამ თავად იკვებებიან ამით? დროა გაიგოთ, ძვირფასო მკითხველო, რომ თქვენი ეგოიზმი არ არის უფრო სასტიკი, ვიდრე სახელმწიფოს, ჩემის ან სხვა ნებისმიერი ადამიანის ეგოიზმი.
ძალაუფლების არსებობას კეთილშობილური მიზანი არ აქვს; ის თავისთავად არსებობს. ანარქისტი, რომელიც მოლოტოვის კოქტეილს ესვრის პოლიციელების რიგებში და სურს ბატონთან ბრძოლა, წყვეტს ამის სურვილს, როგორც კი “მეფის” მცველი გახდება.
მაგრამ რატომ ხდება ეს?
სად მიდის თავდაპირველი იდეა?
ის დაფარულია ფულით, ფულის გროვებით, პრივილეგირებული პოზიციით.
რატომ იღებს ადამიანი მეტს უფრო “ჭუჭყიან სამუშაოში”, რომელიც არ საჭიროებს ნიჭს ან სპეციალურ ცოდნას?
იმიტომ, რომ ისინი საფრთხეს არ უქმნიან ხელისუფლებას.
სისტემა იყენებს ადამიანის სიხარბეს, შურს და ძალაუფლების წყურვილს. რაც უფრო ნაკლებად ეშინია სისტემას თქვენი, მით უფრო მეტ ძალაუფლებას ფლობს თქვენზე.
სისტემის მცველი პოლიციელი იქნება თუ სხვა, უნდა დაგმოს საზოგადოებამ; მათ არ უნდა ჰყავდეთ მეგობრები, ნათესავები ან ოჯახი. მათ თავი მარტო უნდა იგრძნონ. ასეთ ადამიანებთან ელემენტარული დახმარება და კომუნიკაცია უნდა შეიზღუდოს. ასეთ ადამიანებს არ უნდა ენდო, მათთან საუბარი არ შეიძლება და არ აქვს მნიშვნელობა, რომ წარსულში ეს ადამიანი შენი მეგობარი, ძმა ან მამა იყო.
სისტემის მცველი არის მტერი, რომელიც მზადაა გაგანადგუროს, გაწამოს და წლების განმავლობაში გამოგკეტოს, თუ ამას უბრძანებენ.
შეიარაღებული დამნაშავე იდეითა და მიზნით არის შეზღუდული. სისტემა კი არაფრით არის შეზღუდული; ყველა კანონი და მორალი მას ემორჩილება.
მასთან ბრძოლა ძალიან რთულია, რადგან ის თითქოს არ არსებობს. მაგრამ მისი ყველაზე ნათელი სახელია იერარქია.
ყველაფერი სამართლიანია?
არსებობს სიტყვის თავისუფლება?
შეგიძლიათ უბრალოდ ქუჩიდან ტელევიზორში გახვიდეთ და თქვათ ის, რაც გსურთ?
ცხადია, არა.
იმიტომ, რომ თქვენ წარმოადგენთ იდეოლოგიურ საფრთხეს და ჯერ არ ხართ ინდოქტრინირებული მაღალი თანამდებობითა და ფულით.
როგორც კი ამ ყველაფერს მიიღებთ, იკანკალებთ და შეგეშინდებათ მისი დაკარგვის და შეძლებთ იმდენი მანიპულირებას, რამდენიც გსურთ. სისტემა გაძლევთ მატერილაურ კეთილდღეობას, მაგრამ სანაცვლოდ, წაგართმევენ თქვენს იდენტობას.
აირჩიეთ: იყოთ თავისუფალი ინდივიდი თუ დამოკიდებული მარიონეტი.”
წყარო: [ჰირამის საიდუმლო]
