უკრაინის პრეზიდენტის ინტერვიუს უმნიშვნელოვანესი თეზისები 
“აშშ პუტინს მრავალწლიანი იზოლაციიდან გამოსვლაში დაეხმარა საუდის არაბეთში გამართული მოლაპარაკებებით”
” ვფიქრობ, ემირატები სერიოზულად დააბანდებენ ინვესტიციებს უკრაინაში’
“დღეს დილით გამოქვეყნდა კვლევა, სადაც 57%-მა გამოხატა ჩემდამი ნდობა. ასე რომ, თუ ვინმე ახლა ჩემს შეცვლას გეგმავს, ეს არ გამოუვა”
“მომდევნო ორ კვირაში საზოგადოებრივი გამოკითხვებით ვაჩვენებთ უკრაინელების ნდობის დონეს უკრაინის პრეზიდენტის, ასევე ტრამპის, ტუსკის, სტარმერისა და ერდოღანის მიმართ”
“საჭიროა გავარკვიოთ აშშ-ის დახმარების საკითხი. ჩემთან და ტრამპთან სხვადასხვა ციფრებია. მათი დახმარება 500 მილიარდი არ ღირს, — ასე უპასუხა ზელენსკიმ ტრამპის სიტყვებს, რომ თითქოს მას არ სურს იცოდეს, სად მიდის ამერიკული დახმარება”.
“აშშ-ს სურდა იმ დოკუმენტში, რომელიც იშვიათი მეტალების საკითხს ეხება, 50%-იანი წილი მიეღო, მაგრამ იქ არ არის არც ერთი სიტყვა უსაფრთხოების გარანტიებზე. არაფერია კონკრეტული. მე ვერ გავყიდი სახელმწიფოს”
“გუშინ უკვე გაჩნდა სიგნალები, რომ რუსეთი თითქოს „მსხვერპლია. ეს რაღაც ახალია”
“ომი უკრაინას $320 მილიარდი დოლარი დაუჯდა, საიდანაც $120 მილიარდი უკრაინელებმა გადაიხადეს, ხოლო $200 მილიარდი – აშშ-მა და ევროპამ”
“უკრაინელთა მხოლოდ 1% უჭერს მხარს რუსეთისთვის დათმობებს”
“მე კელოგთან ერთად წავალ ფრონტზე. დაე, იქ მოისმინოს სამხედროების აზრი”.
უკრაინის პრეზიდენტი ვლოდიმირ ზელენსკი:
“თუ უკრაინა ხვალ ევროკავშირისა და NATO-ს წევრი გახდება, მე აღარ ვიქნები საჭირო, მაგრამ სანამ ეს მოხდება, გავაგრძელებ ჩემი ქვეყნის დაცვას”.
“რუსეთს სურს მომიშოროს – თუ ფიზიკურად არ გამოუვა, მაშინ პოლიტიკურად ცდილობს და ეცდება კიდეც. მე პუტინისთვის ძალიან უხერხული ადამიანი ვარ”.
“დღეს მე ვარ უკრაინის პრეზიდენტი, რადგან 73%-მა ხმა მომცა და კვლავ მაქვს ხალხის მხარდაჭერა. არც ერთი დღის განმავლობაში არ მინანია, რომ ვიყარე კენჭი”.
“პუტინი ვერ შეძლებს ჩვენს ოკუპირებას, როგორც ოდესღაც სურდა, მაგრამ უკრაინა ვერ გაიმარჯვებს აშშ-ის მხარდაჭერის გარეშე”.
”ჩვენ უნდა ვიყოთ მომთმენები, შევინარჩუნოთ სახელმწიფო და სუვერენიტეტი. არაფერს მოვაწერთ ხელს უბრალოდ ისე, ხმამაღალი აპლოდისმენტების ფონზე”;
”ასე იყო ადრეც- ნორმანდიის ფორმატის მოლაპარაკებების დროს: „იქ იყვნენ საფრანგეთი, გერმანია, რუსეთი და მე – მაშინ ჯერ კიდევ ძალიან ახალგაზრდა და გამოუცდელი, თუმცა, ვერავინ მაიძულა შესაბამის დოკუმენტებზე ხელმოწერა. პირიქით – მე შევძელი ცვლილებების გატარება”;
”ტრამპს პუტინთან ძალიან ახლო ურთიერთობა აქვს, თუმცა არ ვფიქრობ, რომ აშშ-ისა და რუსეთის ლიდერებს შორის შეიძლება რეალურად კარგი ურთიერთობა არსებობდეს”;
”რუსეთი NATO-ს ქვეყნებზე თავდასხმას განიხილავს. ეს შეიძლება იყოს ლიტვა ან პოლონეთი”;
“ომი ყოველთვის გულისხმობს თავისუფლების შეზღუდვას, მოგწონთ ეს თუ არა. თუ ჩვენი უკრაინა დღეს არ იქნება ერთიანი და ძლიერი, ჩვენ დავმარცხდებით’;
”დღეს მე ვარ უკრაინის პრეზიდენტი, რადგან ჩემს ქვეყანაში უმრავლესობის მხარდაჭერა მაქვს. მე პატრიოტი ვარ, ისევე როგორც ის ადამიანები, რომლებიც დღეს ჩვენს ქვეყანას იცავენ”.
P.S. 2025 წლის თებერვლის პირველი ნახევრის მდგომარეობით, უკრაინის მოსახლეობის 57% ვოლოდიმირ ზელენსკის ნდობას უცხადებს— კვლევა კიევის საერთაშორისო სოციოლოგიურმა ინსტიტუტმა ჩაატარა.
2024 წლის დეკემბერთან შედარებით მონაცემები გაუმჯობესდა- მაშინ მოსახლეობაში ნდობის ხარისხი 52%-ს შეადგენდა, ხოლო უნდობლობის მაჩვენებელი — 39%-ს,….
