უკრაინაში ფართომასშტაბიანი შეჭრის დაწყებიდან კაპიტალის გადინებამ რუსეთიდან რეკორდულ 253 მილიარდ დოლარს მიაღწია. ამის შესახებ უკრაინის პრეზიდენტის ადმინისტრაციის ხელმძღვანელმა ანდრიი ერმაკმა განაცხადა. მისი თქმით, 2023 წლის პირველ ნახევარში გადინებამ დამატებით 27 მილიარდი დოლარი შეადგინა, კაპიტალის გადინების ტემპმა მშპ-ს 13%-ს მიაღწია და ყველა შესაძლო რეკორდი მოხსნა.
რუსეთის ბანკმა 2022 წელს რუსეთის ფედერაციიდან კაპიტალის წმინდა გადინების პროგნოზი 246 მილიარდი დოლარიდან 251 მილიარდ დოლარამდე გაზარდა, რაც სამჯერ მეტია 2021 წელთან შედარებით (74 მილიარდი დოლარი).
შეგახსენებთ, რომ სახელმწიფო დუმამ მიიღო კანონი, რომელიც საზღვარგარეთ რეგისტრირებულ კომპანიებს საშუალებას აძლევს შექმნან შვილობილი კომპანიები რუსეთის სპეციალურ ადმინისტრაციულ რეგიონებში (SAR) თავიანთი აქტივების გადაცემით.
უკრაინული მედია იმასაც წერს, რომ ივნისში 13-მა საერთაშორისო კომპანიამ დატოვა რუსული ბაზარი, მათ შორის მსოფლიოში საბურავების ერთ-ერთმა უმსხვილესმა მწარმოებელმა Michelin Group-მა, გერმანულმა Bosch-მა და ამერიკულმა ქიმიურმა კორპორაციამ 3M-მა.
წყარო: commersant.ge
