რა წერია ბრიტანეთის მთავრობის სახელმძღვანელოში
გაერთიანებული სამეფოს მთავრობამ გამოაქვეყნა ვრცელი დოკუმენტი, რომელიც წარმოადგენს გზამკვლევს საქართველოში რეგისტრირებული ბიზნესისათვის, თუ როგორ იმოქმედონ ბრიტანულ სანქციებთან შესაბამისად.
27 ივნისს გამოქვეყნებული ვრცელი დოკუმენტის სახელია: „გაერთიანებული სამეფოს სანქციები: სახელმძღვანელო მითითებები ქართული ბიზნესებისთვის“.
დოკუმენტი ეხება ფინანსურ, ასევე სავაჭრო სანქციებს.
„თქვენ შეიძლება დაგეკისროთ სანქციები“ ან „თქვენ შეიძლება მაღალი რისკის მატარებლად მიგიჩნიონ გაერთიანებული სამეფოს მიმწოდებლებმა“, – ეუბნება ბრიტანეთის მთავრობა ქართული ბიზნესის წარმომადგენლებს.
ეს იმ შემთხვევებში, თუკი ბიზნესი ან მისი მფლობელი „ჩართულია საქმიანობაში, რამაც შეიძლება ხელი შეუწყოს რუსეთის უკრაინაში შეჭრას“.
