ამერიკის შეერთებული შტატების პრეზიდენტის თქმით, უკრაინის გაწევრიანება ნატოში, სანამ ომი მიმდინარეობს შეუძლებელია, თუმცა მომავალში უკრაინა ალიანსში იქნება.
ამის შესახებ ბაიდენმა ჰელსინკიში გამართულ პრესკონფერენციაზე განაცხადა.
ბაიდენის თქმით, უკრაინის ალიანსში დაუყოვნებლივ მიღება ნატოს ფუძემდებლური პრინციპებიდან გამომდინარე მესამე მსოფლიო ომის მდგომარეობაში გადასვლის ტოლფასი იქნებოდა.
“დღეს აღარ დგას საკითხი გახდება თუ არა უკრაინა ნატოს წევრი, არამედ დგას საკითხი თუ როდის გახდება უკრაინა ნატოს წევრი”,- განაცხადა ბაიდენმა.
აშშ-ს პრეზიდენტის თქმით, ვლადიმირ პუტინმა უკვე წააგო ომი და მან არ იცის რა გააკეთოს ამ ყველაფრის დასასრულებლად – “მას შეუძლია ომი ხვალ დაასრულოს, მას შეუძლია თქვას: მე გავდივარ, მისთვის არ არსებობს ამ ომში გამარჯვების შანსი.”
გარდა ამისა, ბაიდენის თქმით, რუსეთს არ აქვს რესურსები და შესაძლებლობა ომი უსასრულოდ გააგრძელოს.
