“ოცნება” მოსამართლეებისთვის ხელფასის გაორმაგებას აპირებს – კანონპროექტი პარლამენტში უკვე ინიციირებულია და ცვლილებების შეტანა “საერთო სასამართლოების შესახებ” საქართველოს ორგანულ კანონშია დაგეგმილი
ხელფასები ეზრდებათ, მათ შორის, აშშ-ის, ბრიტანეთის, ლიეტუვისა და ესტონეთის მიერ სხვადასხვა დროს სანქცირებულ მოსამართლეებს, მათ შორის ლევან მურუსიძეს, მიხეილ ჩინჩალაძესა და ირაკლი შენგელიას.
ირკვევა, რომ ხელფასები გაიზრდება შემდეგ პოზიციებზე:
• უზენაესი სასამართლოს თავმჯდომარის ხელფასი – 7 000 ლარიდან იზრდება 14 600 ლარამდე
• სააპელაციო სასამართლოს თავმჯდომარის ხელფასი – 5800 ლარიდან იზრდება 11 680 ლარამდე
• საქალაქო სასამართლოს თავმჯდომარის ხელფასი – 4 600 ლარიდან იზრდება 11 388 ლარამდე
• უზენაესი სასამართლოს მოსამართლის ხელფასი – 6000 ლარიდან იზრდება 12 410 ლარამდე
• სააპელაციო სასამართლოს მოსამართლის ხელფასი – 5000 ლარიდან იზრდება 11 826 ლარამდე
• საქალაქო სასამართლოს მოსამართლის ხელფასი 4000 ლარიდან იზრდება 10 512 ლარამდე
ასევე, როგორც კანონპროექტის განმარტებით ბარათშია ნათქვამი, იზრდება რიგ პოზიციებზე განწესებულ (არჩეულ) მოსამართლეთა უფლებამოსილების ვადები. მაგალითად: 5-დან 10 წლამდე იზრდება სააპელაციო და საქალაქო (რაიონული) სასამართლოების თავმჯდომარეებისა და მისი მოადგილეების, პალატების/კოლეგიის თავმჯდომარეთა უფლებამოსილების ვადები
კანონპროექტის ინიციატორები არიან პარლამენტის წევრები: არჩილ გორდულაძე, თორნიკე ჭეიშვილი, ალექსანდრე ტაბატაძე, დავით მათიკაშვილი, რატი იონათამიშვილი, ალუდა ღუდუშაური, თენგიზ შარმანაშვილი, გურამ მაჭარაშვილი და აკაკი ალადაშვილი
