საქართველოს ეროვნული ბანკის თანახმად, 2023 წლის ივნისში ოფიციალური საერთაშორისო რეზერვები წლიურად 29.2%-ით გაიზარდა და 5.1 მლრდ აშშ დოლარი შეადგინა, – ამის შესახებ Galt & Taggart-ის კვირის მიმოხილვაშია აღნიშნული.
კვლევის მიხედვით, ივნისში, მაისთან შედარებით, რეზერვები 1.3%-ითაა (+65.3 მლნ აშშ დოლარი) გაზრდილი.
„რეზერვების ცვლილება უკავშირდება მთავრობის და საბანკო სექტორის სავალუტო ოპერაციებს, ასევე, სავარაუდოდ, სებ-ის მიერ უცხოური ვალუტის შესყიდვას“, – აცხადებენ Galt & Taggart-ში.
შეგახსენებთ, 2023 წლის იანვარ-მაისში ეროვნულმა ბანკმა სავალუტო ბაზარზე 937.6 მლნ აშშ დოლარი შეისყიდა.
მხოლოდ მაისში კი სებ-მა BMatch პლატფორმის საშუალებით, 154.7 მლნ აშშ დოლარი იყიდა.
მარეგულირებელმა რეკორდული შესყიდვა აპრილში განახორციელა, რომლის მოცულობამ 322.4 მლნ აშშ დოლარი შეადგინა.
