მოლდოვის პრეზიდენტ მაია სანდუს აზრით, რუსეთმა საქართველო თავის ორბიტაზე დააბრუნა.
ამის შესახებ სანდუმ ევროპის საბჭოს საპარლამენტო ასამბლეაში (PACE) სიტყვით გამოსვლისას განაცხადა. სანდუმ ისაუბრა რუსეთიდან მომავალ ჰიბრიდულ საფრთხეებზე და თქვა, რომ მოლდოვა არ არის ერთადერთი ქვეყანა, რომელიც ამ გამოწვევების წინაშე დგას.
„მსგავს ზეწოლას ჩვენ ვხედავთ მთელ ევროპაში. სიამაყით შემიძლია ვთქვა, რომ მოლდოვამ ამ ორწლიან თავდასხმას მთელი საზოგადოების ძალისხმევით გაუძლო. ჩვენმა მოქალაქეებმა დაამტკიცეს თავიანთი ერთგულება მშვიდობის, ევროპისა და დემოკრატიის მიმართ.
მაგრამ ვწუხვარ, რომ ვუყურებ საქართველოს, — მიუხედავად ქართველი ხალხის სიმამაცისა, რომელიც აგრძელებს დემოკრატიული ღირებულებების, ევროპული მისწრაფებებისა და საკუთარი მომავლის გადაწყვეტის უფლების დაცვას — რუსეთმა საქართველო უკან, თავის ორბიტაზე დააბრუნა ომის შიშის იარაღად გამოყენებით, მიანიშნა რა, რომ არასწორი საარჩევნო არჩევანი მშვიდობის ფასად დაუჯდებოდათ.
ახლა სომხეთი ხდება იგივე სტრატეგიის სამიზნე, რომლის მიზანია სუვერენიტეტის შესუსტება, დემოკრატიულ არჩევანზე გავლენის მოხდენა და შიდა სუსტი წერტილების გამოყენება. ჩვენ ვდგავართ სომხეთისა და მისი ხალხის გვერდით, როდესაც ისინი მუშაობენ ამ ზეწოლის დასაძლევად და თავიანთი დემოკრატიული მომავლის დასაცავად“, — განაცხადა მაია სანდუმ.
