უკრაინაში მიმდინარე მოვლენებიდან გამომდინარე, საქართველოს პარლამენტი რიგგარეშე სხდომას გამართავს, – ამის შესახებ საქართველოს პრეზიდენტმა ბრიფინგზე განაცხადა.
„ახლა მაცნობეს, რომ ჩემთან შემოვიდა რიგგარეშე სხდომის თხოვნა და ვაპირებ, რომ ხელი მოვაწერო. ჩემი მხრივ, როგორც ამის უფლებას კონსტიტუცია მაძლევს, მზად ვარ, რომ წარმოვადგინო საქართველო ყველა იმ ფორმატში, რომელშიც უკრაინის საკითხი განიხილება, რამეთუ უკრაინის საკითხი ყველა ჩვენგანის საკითხია და საჭიროა, საქართველოს ხმა იქაც მოისმინონ. ჩვენ ვართ და მუდამ ვიქნებით მშვიდობიანი გზის მცდელობის, მაგრამ პრინციპების დაცვის მხარეს“, – აღნიშნა სალომე ზურაბიშვილმა.
ვლადიმერ პუტინმა დონბასში „სპეციალური სამხედრო ოპერაციის“ ჩატარების გადაწყვეტილება მიიღო.
ვოლოდიმირ ზელენსკიმ უკრაინაში საომარი მდგომარეობა გამოაცხადა.
