მინდა გამოვეხმაურო ქალბატონი ელისო კილაძის არაერთხელ გამოქვეყნებულ პოსტს ემიგრანტების ჩართულობის თაობაზე 2024 წლის არჩევნებში, რატომ არ აქვს რეაგირება ოპოზიციურ პარტიებს, რატომ აიგნორებენ ამ უმნიშვნელოვანეს თემას, რომლის გარეშეც არჩევნებში გამარჯვება ძალიან რთული იქნება.
ვეკითხები ოპოზიციური პარტიების ლიდერებს, რა კეთდება ამ მიმართულებით, როგორ აპირებთ ქვეყნიდან გასული 1.5 მილიონი ემიგრანტის ხმის მიცემის უზრუნველყოფას ან გაქვთ თუ არა კომუნიკაცია, ვინც უცხოეთში ვერ მისცემს ხმას აპირებენ თუ არა თუნდაც ერთი დღით ჩამოსვლას და არჩევნებში მონაწილეობის მიღებას?
გარანტირებული გამარჯვებისთვის მინიმუმ კიდევ 200 000 ხმაა საჭირო. კიდევ იგივე ბაქიბუქი ისმის, ხომ არ დაგავიწყდათ როგორ ვერ დაიცავით ხმები, ამ მიმართულებით რას აკეთებთ?
მივმართავ ოპოზიციის ლიდერებს და მთლიანად საზოგადოებას, რატომ იგნორდება და რატომ არ არის საინფორმაციო და პოლიტიკურ ბაზარზე გააქტიურებული ქვეყნისთვის ისეთი ეგზისტენციალური საკითხები როგორებიცაა:
1. ვაზიანის სამხედრო ბაზის ფაქტიურად გაუქმება (დეტალები ცნობილია) – ეს NATO-ს სტანდარტების ბაზა არამარტო დედაქალაქის ფარია, არამედ ქვეყნის თავდაცვის ხერხემალი;
2. ანაკლიის ღრმაწყლოვანი პორტი, რომელიც ასევე უნიკალურია თავისი ეკონომიკური და ასევე ქვეყნის უსაფრთხოების შესაძლებლობებით და მომავალში შეიძლება ქვეყნის ეკონომიკის ხერხემალი გახდეს;
3. ევროკავშირის კანდიდატის სტატუსზე მოსახლეობის სწორი ინფორმირებისთვის რა სამუშაოები მიმდინარეობს?
4. რატომ გაქრა საინფორმაციო თუ პოლიტიკური სივრციდან მნიშვნელოვანი თემა, რომელიც ტოტალურად მოსახლეობის და არამარტო მოსმენებს შეეხებოდა, რაც ადამიანის უფლებების უპრეცენდენტო დარღვევაა და სხვა უამრავი აქტუალური საკითხი.
P.S. მინდა მივმართო საზოგადოებას, ვერც ოპოზიცია გიშველით, ვერც უცხოელი მეგობრები და საერთაშორისო პარტნიორები და ვერც ვერავინ თუ თავად არ გამოიჩენთ ინიციატივას, თავად არ იბრძოლებთ.
ამ ქვეყნის მომავალს ვწყვეტთ ჩვენ, ჩვენ, თითოეული ჩვენთაგანი, ძალა ჩვენშია, ძალა ერთობაშია!
წერს სოციალურ ქსელში დევი გოლეთიანი
