„ეკონომისტის“ ანალიტიკური დანაყოფის მიერ გამოქვეყნებული დემოკრატიის ინდექსის მიხედვით, საქართველო 5 პოზიციით ჩამოქვეითდა და იმ ქვეყნების ჯგუფში აღმოჩნდა, სადაც დემოკრატიული მდგომარეობა ყველაზე მეტად ან სწრაფად გაუარესდა. ამ ჯგუფში ასევე შედიან პაკისტანი, ფილიპინები და ნეპალი.
ანგარიშში ერთ-ერთ მთავარ მიზეზად სახელდება სახელმწიფო ინსტიტუტების გამოყენება პოლიტიკური მიზნებისთვის, მათ შორის — ოპოზიციონერი ლიდერების მიმართ დევნა და პოლიტიკური შურისძიების ნიშნები.
რეიტინგის მიხედვით, საქართველოს ქულა 4.36-მდე შემცირდა. ქვეყანა კვლავ „ჰიბრიდული რეჟიმის“ კატეგორიაში რჩება, თუმცა ანგარიშის ავტორები მიუთითებენ, რომ არსებული ტენდენციების გაგრძელების შემთხვევაში, არსებობს რისკი, საქართველო ავტორიტარული მმართველობის ჯგუფს კიდევ უფრო მიუახლოვდეს.
