ამერიკელმა რესპუბლიკელმა კონგრესმენმა ჯო უილსონმა წარმომადგენელთა პალატაში მარკო რუბიოს განცხადების შემდეგ მოიწონა აშშ-ის პრეზიდენტ დონალდ ტრამპის ადმინისტრაციის მიდგომა საქართველოს ხელისუფლებასთან დაკავშირებით.
„მადლიერი ვარ, რომ პრეზიდენტი ტრამპი ამ საერთაშორისო ნორმების დამრღვევი სახელმწიფოსგან ქცევის შეცვლას მოითხოვს“, – დაწერა ჯო უილსონმა პლატფორმა X-ზე.
„ქართული ოცნების“ ანტიამერიკული რეჟიმი ხელს უწყობს ირანისა და ჩინეთის კომუნისტური პარტიის უკანონო ქმედებებს, მაშინ როცა საკუთარ ხალხს უკანონოდ აპატიმრებს“, – დაწერა მან.
რა თქვა რუბიომ
მის პოსტს წინ უძღოდა წარმომადგენელთა პალატაში მოსმენისას ჯო უილსონის შეკითხვა სახელმწიფო მდივან მარკო რუბიოსადმი საქართველოს შესახებ, რაზეც მარკო რუბიომ განაცხადა:
„ცხადია, ჩვენ გვესმის ყველაფერი, რაც ახლახან აღწერეთ, – ეს ჩვენთვის წინასწარ არსებული პრობლემები. მათ გვკითხეს, „რა იქნება საჭირო შეერთებულ შტატებთან უკეთესი ურთიერთობისთვის?“
ჩვენ ვუპასუხეთ და იმედია, ამის საფუძველზე შევძლებთ განვითარებას და შესაძლოა შევცვალოთ ტრაექტორია არა მხოლოდ საქართველოსთან ჩვენი ურთიერთობისა, არამედ მათი ქცევისა“, – განაცხადა სახელმწიფო მდივანმა.
