როცა ქვეყნის უმნიშვნელოვანესი ეკონომიკური პროექტის “ანაკლიის ღრმაწყლოვანი პორტის” მშენებლობაზე და ინვესტიციებზეა საუბარი, აქ ყველაფერი, ყველა წარმოთქმული სიტყვა ე.წ. ამ ხელისუფლების მხრიდან არის ზღაპარი, საზოგადოების დაბოლება და კერძო ინტერესებზე მორგებული, რაც მთავარია რუსულ-ჩინური ინტერესების გათვალისწინებით და არა საქართველოს.
თუ ამ ქვეყანაში ამ უდიდეს და უმნიშვნელოვანეს პროექტში არ იქნება აშშ-ს, ევროკავშირის ქვეყნების და დიდი ბრიტანეთის ინვესტიციები ჩადებული, რაც მტკიცე გარანტიაა ქვეყნის ეკონომიკური აღმავლობის, გაჯანსაღების და რაც მთავარია საქართველოს უსაფრთხოების, საუბარი ყველაფერ დანარჩენზე მხოლოდ გაფანტული შესაძლებლობაა.
საზოგადოებამ და ოპოზიციამ ერთიანი ძალით უნდა აიძულოს ეს ხელისუფლება ინვესტიციები მოიზიდონ ჩვენი მეგობარი და სტრატეგიული ქვეყნებიდან, ეს თემა სასიცოცხლოდ მნიშვნელოვანია საქართველოს ეროვნული ინტერესების გათვალისწინებით.
დევი გოლეთიანი
