საერთაშორისო მნიშვნელობის ფონიჭალა-მარნეული-გუგუთის საავტომობილო გზის 30კმ-37კმ მონაკვეთის სარეაბილიტაციო სამუშაოები აქტიურად მიმდინარეობს, – ამის შესახებ ინფორმაციას საავტომობილო გზების დეპარტამენტი ავრცელებს.
მათივე ინფორმაციით, ამ დროისთვის, ობიექტზე ხორციელდება სავალი ნაწილის სტაბილიზირებული საფუძვლის ფენის მოწყობის და ბორდიურების დამონტაჟების სამუშაოები.
პროექტი უზრუნველყოფს ავტომობილებისა და ფეხით მოსიარულეთა უსაფრთხო მოძრაობას და მნიშვნელოვნად გააუმჯობესებს აქ მცხოვრები ოჯახების საყოფაცხოვრებო პირობებს.
30კმ-37კმ მონაკვეთის სიგრძე შეადგენს 8 კმ-ს, ხოლო ამავე გზაზე მიმდინარეობს მეორე მონაკვეთის, 40კმ-46კმ რეაბილიტაცია, რომლის სიგრძე 7 კმ-ს შეადგენს.
სამუშაოების დასრულების ვადა მიმდინარე წლის ოქტომბერია.
